Д.Монголхүүгийн зорчих эрхийг хязгаарлах ялыг өөрчлөн хорихоор болжээ

Сүхбаатар дүүргийн Эрүүгийн хэргийн анхан шатны шүүхийн шийтгэх тогтоол, Нийслэлийн давж заалдах шатны шүүхийн магадлал, Монгол Улсын дээд шүүхийн Эрүүгийн хэргийн танхимын нийт шүүгчдийн хуралдааны тогтоолоор Д.Монголхүүг 1 жилийн хугацаагаар зорчих эрх хязгаарлах ялаар шийтгэсэн.

Тэрбээр зорчих эрхийг хязгаарлах ялыг сүүлийн 3 сарын хугацаанд 2 удаа зөрчсөн тул хорих ялаар сольжээ. Сүхбаатар дүүргийн эрүүгийн хэргийн анхан шатны шүүхэд өнөөдөр шүүх хурал болсон бөгөөд дэлгэрэнгүй мэдээллийг эргэн хүргэнэ.

Эргэн сануулахад Д.Монголхүүд оногдуулсан Баянзүрх дүүргийн нутаг дэвсгэрээс эрх бүхий байгууллагын зөвшөөрөлгүйгээр гарахыг хязгаарласан шийтгэх тогтоолыг Шүүхийн шийдвэр гүйцэтгэх байгууллага 2022 оны 11 дүгээр сарын 16-ны өдөр хүлээн авч, гарын цахим бугуйвчийг зүүж, ял эдлүүлэх ажиллагааг эхлүүлсэн.