Японд баавгайн махны анхны автомат худалдааны машин тавьжээ

Японд халимын мах, лаазалсан эмгэн хумс, иддэг шавж зардаг автомат машинууд байдаг. Харин одоо шинээр баавгайн махан зуушны машин тавиад байна.

Майничи Шимбүн сонины мэдээлснээр, Японы  Хоншю арлын хойд хэсэгт орших Сэмбокү хотын галт тэрэгний буудалд төрөл бүрийн  баавгайн мах зардаг автомат машин тавьсан байна. Баавгайн махны 250 грамм бүтээгдэхүүнийг 2200 иенээр (59 мянган төгрөг) худалдан авах боломжтой. Автомат машиныг орон нутгийн нэгэн ресторан суурилуулсан бөгөөд долоо хоногт 10-15 боодол бүтээгдэхүүн зарж байна гэж удирдлагууд нь мэдэгджээ.