Н.Учрал: ТӨК-иудын ТУЗ-ийн данхар бүтцийг засаж, ₮30 тэрбум хэмнэнэ

ЦХХХ-ын сайд Н.Учрал /Шилэн ажиллагаа/-тай холбооотой даваа гарагийн ээлжит мэдээллээ өглөө.

Тэрээр “Шүүр ажиллагааны хүрээнд ЗГХЭГ-ын дарга Д.Амарбаясгалангийн удирдлагаар төрийн өмчит компаниудын засаглалыг засаж ажлууд үр ашгаа өгч байгаа.

“Эрдэнэс Монгол” ХХК-ийн охин компани, хамаарал бүхий төрийн өмчит үйлдвэрийн газар, нэгж нийт 39 байгууллагын газар хуулиар ТУЗ-тэй байх шаардлагатай 5-аас бусдыг нь татан буулгасан.

12 компанийн 84 ТУЗ-ийн гишүүний зардал 2023 онд 2 тэрбум төгрөг төсөвлөсөн байсныг 500 сая төгрөг болгож, дөрөв дахин буулгаж, 75%-аар хэмнэж чадсан.

Цаашид бүх төрийн өмчит компанийн ТУЗ-ийн данхар бүтцийг бүхэлд нь засаж, өөрчлөн байгуулалт хийснээр 30 гаруй тэрбум төгрөг хэмнэхээр Д.Амарбаясгалан даргаа ахлуулсан ажлын хэсэг ажиллаж байгаа. Тэгэхээр 5Ш ажиллагаа хоорондоо нягт холбоотой байна” гэв.