“ТООНОТ” рекордс 5 жилийн ойн СЮРПРИЗЭЭ задаллаа

Өнгөрсөн онд “ТООНОТ 21х21” төслөө хэрэгжүүлж Монгол орноо тойрон 21 аймагт тоглолтоо хийсэн “ТООНОТ” рекордсын 5 жилийн ой энэ жил тохиож байна. Он гарснаас хойш нам гүмхэн байсан “ТООНОТ”-ынхон тавдугаар сарын 15-нд “TNT” төслөө албан ёсоор нээлээ.

Төслийн нээлтийн үеэр “ТООНОТ”-ын хамт олон Монголд анх удаа 7 шинэ дууны клипээ зэрэг цацаж үзэгчдэдээ сюрприз барилаа. Уран бүтээлчдийн өөр өөрсдийн төрөл жанраар гаргасан эдгээр уран бүтээлүүд том тэсрэлт хийж чаджээ.

Цаашид “ТООНОТ” баримтат киног үзэгчдийн хүртээл болгож, есдүгээр сард дуучин Жэйсоны анхны бие даасан цомгийг гаргаж, арваннэгдүгээр сард реппэр Тандерын бие даасан тоглолтыг зохион байгуулж, “ТООНОТ Vol4” цомог болон “ТООНОТ” 5 жилийн ойн тоглолт зэргийг зохион байгуулахаар төлөвлөжээ.

ИНГЭЭД ТАВДУГААР САРЫН 15-НД ҮЗЭГЧДИЙН ХҮРТЭЭЛ БОЛСОН 7 ВИДЕО КЛИПИЙГ ТАНИЛЦУУЛЖ БАЙНА

1. Desant- Big Fish

2. Эрка- Чамайг дурсаад 

3. Jason- Мартаж чадахгүй 

4. Chill Jagaa- Чимээгүй суу

5. Bilgang- Billy boay 

6. O.Z- Ганц удаа 

7. Babar, ThunderZ- Сүүдэр