Ши Жиньпин Универсиад наадмын нээлтэд оролцоно

Хятадын ГХЯ-ны хэвлэлийн төлөөлөгч Хуа Чүнь Ин: Хятад улсын дарга Ши Жиньпин 7-р сарын 27-28-ны өдрүүдэд Чэндү хотод болох Зуны 31 дэх удаагийн Универсиад наадмын нээлтийн ёслолд оролцоно. Универсиадын нээлтэд оролцох гадаадын удирдагчидтай уулзаж, зоог барих зэрэг хоёр талт арга хэмжээ зохион байгуулна гэсэн мэдээлэл өгөв.

Нээлтэд оролцохоор Индонезийн ерөнхийлөгч Жоко Видодо, Мавританы ерөнхийлөгч Газвани, Бурундигийн ерөнхийлөгч Ндайишмие, Гайанын ерөнхийлөгч Али, Гүржийн ерөнхий сайд Гарибашвили, Фижи улсын ерөнхий сайд Ламбка нар Хятад улсад айлчлан ирэх юм.