S’outlets-ын зөвшөөрлийг Д.Энхбаяр, М.Энхболд, Г.Мөнхбаяр, Н.Батаа нар олгожээ

Сэлбэ голын голдиролд байгаа S’outlets дэлгүүрийн барилгыг буулгах асуудал яригдаж эхэллээ.

Тус дэлгүүрийн газрыг анх Сүхбаатар дүүргийн Засаг дарга Д.Энхбаярын захирамжаар 2002 онд олгож байжээ.

Үүнээс хойш Нийслэлийн Засаг дарга М.Энхболд 2004 онд 288м2, Нийслэлийн Засаг дарга Г.Мөнхбаяр 2009 онд 1665 м2 хэмжээтэй болгож, улмаар 2015 онд Нийслэлийн Засаг даргын орлогч Н.Батаагийн гарын үсэгтэй захирамжаар 2409 м2 болгож талбай хэмжээг тус тус томруулж, эзэмших хугацааг сунгасан байдаг аж.

Мөн тус барилга нь анх 2014 онд түр барилгын зориулалтаар албан даалгавраа авсан ч зориулалтын дагуу баригдаагүй байгууламж гэдгийг нийслэлийн Засаг дарга Д.Сумъяабазар мэдэгдээд байна.