Ван И Антони Блинкен нар утсаар ярив

2023 оны 10-р сарын 14-ний өдөр ХКН-ын төв хорооны улс төрийн товчооны гишүүн, Гадаад харилцааны сайд Ван И АНУ-ын Төрийн нарийн бичгийн дарга Антони Блинкентэй утсаар ярив.

Блинкен Ойрхи Дорнодод хийж буй айлчлал болон одоогийн Палестин-Израилийн мөргөлдөөний талаарх АНУ-ын байр суурийг танилцуулав.

Ван И хэлэхдээ, Палестин-Израилийн мөргөлдөөн хурцадсаар байгаа бөгөөд хяналтаас гарах эрсдэлтэй байна. Хятад улс энгийн иргэдийг хохироосон бүх үйлдлийг эсэргүүцэж, олон улсын хууль тогтоомжийг зөрчсөн бүх үйлдлийг буруушааж байна. Өөрийн аюулгүй байдлаа хамгаалахын тулд гэм зэмгүй энгийн иргэдийг хохироосон байж болохгүй. Цэргийн арга барил нь ямар ч гарах гарц байхгүй, хүчирхийлэлд хүч хэрэглэх нь зөвхөн хүчирхийллийг бий болгоно гэж Хятад улс үзэж байна гэжээ.

Ван И хэлэхдээ, олон улсын болон бүс нутгийн хурцадмал асуудлыг шийдвэрлэхдээ том гүрнүүд бодитой, шударга ёсыг баримталж, тайван, хүлээцтэй байж, олон улсын хуулийг сахин биелүүлэхийг манлайлах ёстой. Хятад улс Ши Жиньпин даргын дэвшүүлсэн үндсэн зарчмын дагуу энхийн хэлэлцээг үргэлжлүүлэн ахиулах болно. АНУ үр дүнтэй бүтээлч үүрэг гүйцэтгэж, асуудлыг аль болох хурдан улс төрийн зохицуулалтын зам руу буцаах хэрэгтэй гэжээ.

Ван И хэлэхдээ, олон улсын болон бүс нутгийн халуун цэгийн асуудлыг шийдвэрлэхдээ томоохон орнууд бодитой, шударга ёсыг баримталж, тайван, хүлээцтэй байж, олон улсын хуулийг сахин биелүүлэхийг манлайлах ёстой. Хятад улс Ши Жиньпин даргын дэвшүүлсэн үндсэн зарчмын дагуу энхийн хэлэлцээг үргэлжлүүлэн ахиулах болно. АНУ үр дүнтэй бүтээлч үүрэг гүйцэтгэж, асуудлыг аль болох хурдан улс төрийн зохицуулалтын зам руу буцаах хэрэгтэй.

Блинкен хэлэхдээ, Америкийн тал Палестин-Израилийн асуудлыг зохицуулах “хоёр улсын шийдэл”-ийг дэмжиж, НҮБ-ын байдлыг намжаах, хүмүүнлэгийн тусламж үзүүлэх үүргийг дэмжиж, Хятад улстай харилцаа холбоо, зохицуулалтаа эрчимжүүлэхэд бэлэн байна гэжээ.

Хоёр тал мөн Хятад Америкийн харилцааны талаар товч санал бодлоо солилцсон байна. Ван И хэлэхдээ, сүүлийн үед Хятад Америк хоёр тал дээд түвшний хэлхээ холбоо тогтоож, хоёр орны харилцаа тогтворжсон нь хоёр орны ард түмэн болон олон улсын хамтын нийгэмлэгийн талархлыг хүлээсэн юм. Америк Хятадтай тал хамтран ажиллаж, Бали аралд хоёр орны төрийн тэргүүний тохиролцсон нийтлэг ойлголтыг хэрэгжүүлж, хөндлөнгийн оролцоог даван туулж, саад тотгорыг арилгаж, эерэг жагсаалтыг уртасгаж, сөрөг жагсаалтыг богиносгож, Хятадын үндсэн ашиг сонирхол, анхаарал хандуулж буй гол асуудлуудыг хүндэтгэж, Хятад, Америкийн харилцааг тогтвортой хөгжлийн зам руу буцаан оруулахыг найдаж байна гэжээ.

Блинкен хэлэхдээ, Америк Хятадтай хамтран ажиллаж, ерөнхийлөгч Байден болон Ши Жиньпин дарга нарын Бали аралд тохиролцсон чухал нийтлэг ойлголтыг хэрэгжүүлж, Америк Хятадын харилцааг хариуцлагатай зохицуулж, Америк Хятадын харилцааны тогтвортой байдлыг ахиулахад бэлэн байна гэжээ.