Хятадын зах зээл дэлхийн анаарлыг татаж байна 

Хятадын олон улсын импортын VI экспо дөхөж байгаа энэ үед улс дамнасан компаниуд хамгийн сүүлийн үеийн технологио харуулах гэж байна. “Хятадын эдийн засгийн өргөн хэтийн төлөв, хязгааргүй боломжууд нь Хятад руу нэвтрэх бидний итгэл, шийдэмгий зоригийг улам хөвчилж байна” хэмээн Францын нэгэн эмийн үйлдвэрийн захирал хэлжээ. Тэрээр: Хятад улстай хамтран илүү сайн сайхан ирээдүйг бий болгоно гэж найдаж байна гэжээ.

Гадаадын хөрөнгө оруулалттай аж ахуйн нэгжүүдийн сонирхлыг 18-ны өдөр нийтэлсэн 2023 оны эхний гурван улирлын Хятадын эдийн засгийн тоо баримт дахин харууллаа. Урьдчилсан тооцоогоор, эхний гурван улиралд Хятадын ДНБ 91 тэрбум 302 тэрбум 700 сая юань болж, зэрэгцүүлэх үнээр өнгөрсөн оны мөн үеийнхээс 5.2%-иар өссөн нь дэлхийн томоохон хөгжингүй эдийн засагтай орнуудаас илүү хурдацтай үзүүлэлт юм. “Хятадын эдийн засаг дахин эрч хүчээ авлаа”, “өсөлт төсөөлж байснаас хурдан байна”, “сэргэлт хүчтэй байна” гэх мэтээр Хятадын эдийн засаг тасралтгүй сайжирч байгааг гадаадын хэвлэлүүд онцолж байна.

Хэрэглээний зах зээлээс гадна Хятадын гадаад худалдаа нь дэлхийн аж үйлдвэр, нийлүүлэлтийн сүлжээний жигд урсгалыг, ялангуяа Хятад улс болон “Бүс ба зам” санаачилгыг хамтран байгуулж буй улс орнуудын худалдааны саадгүй байдлыг эрчимтэй дэмжиж байна. Эхний гурван улиралд дэлхийн эдийн засгийн сэргэлт сул, худалдаа ерөнхийдөө удаашралтай байгаа нөхцөлд Хятадын гадаад худалдаа бэрхшээлийг даван туулж, цар хүрээ нь ерөнхийдөө тогтвортой байлаа. Үүний дотор БНХАУ-аас “Бүс ба зам”-ыг хамтран байгуулж буй улс орнуудад хийсэн импорт, экспортын хэмжээ 3.1%-иар өсч, нийт импорт экспортын 46.5%-ийг эзэлж байна.

“Бүс ба зам”-ын хамтын бүтээн байгуулалт нь Хятадын эдийн засагт түлхэц өгөөд зогсохгүй, холбогдох орнуудын эдийн засгийн хөгжил цэцэглэлтийг ахиулж байна. Саяхан болсон “Бүс ба Зам” бизнес эрхлэгчдийн чуулга уулзалтын үеэр олон зуун аж ахуйн нэгжүүд гэрээ байгуулахаар дараалал үүсгэж буй дүр зураг олон нийтийн сүлжээгээр дүүрэн байлаа. Энэхүү гүйлгээний нэг онцлог нь “Хятадын ухаалаг үйлдвэрлэл” юм. Хятадын компаниуд дээд зэрэглэлийн тоног төхөөрөмж үйлдвэрлэх хүчин чадлаараа хилийн чанадад хөрөнгө оруулалт хийж, “Бүс ба Зам”-ыг хамтран байгуулж буй орнуудын үйлчлүүлэгчдээс өндөр үнэлгээ авсан. Хурлаар эцэст нь 97.2 тэрбум ам.долларын арилжааны гэрээ байгуулснаар холбогдох улс оронд ажлын байр нэмэгдэж, өсөлт нэмэгдэх нь гарцаагүй.

Эдгээр ололт амжилтын ард Хятадын засгийн газар гадаадад нээлттэй болж, гадаадын хөрөнгө оруулалтыг эрчимтэй татах гэсэн тууштай шийдвэр байгаа юм. Эхний гурван улирлын эдийн засгийн тоо баримтыг нийтэлсэн өдөр Хятад улс үйлдвэрлэлийн салбар дахь гадаадын хөрөнгө оруулалтад тавьсан хязгаарлалтыг бүрмөсөн цуцална гэдгээ зарлаж, Хятад улсын гадаадад үүд хаалгаа улам ихээр нээх дохиог өгөв.

Өнгөрсөн хоёр хоногт дэлхийн 200 гаруй улс орон, бүс нутгаас худалдан авагчдыг татсан Хятадын импорт, экспортын 134 дэх яармаг амжилттай зохиогдов. 11-р сарын эхээр 6 дахь удаагийн импортын экспод128 улс орон, бүс нутгийн 3400 гаруй компани оролцох болно. Зорчигч, гадаадын бизнес эрхлэгчдийн тасралтгүй урсгал нь Хятадын зах зээлийн ид шид, Хятадын өндөр чанартай хөгжлийн шинэ эрч хүчийг гэрчилж байна. Мэдээж энэ нь Хятадын тухай элдэв сөрөг ярианы эсрэг хүчтэй цохилт боллоо.