Ичиножёогийн зодог тайлах ёслол хоёрдугаар сард болно

Монголын сүмоч, “Үлэмж биет” Ичиножёо А.Ичинноров гэнэт зодог тайлах болсон мэдээ Зуны тэмцээний өмнө гарч, сүмо сонирхогчдыг гонсойлгосон. Сэкивакэ асан Ичиножёогийн зодог тайлах ёслол 2024 оны хоёрдугаар сарын 11-нд Токиод болох тухай эх сурвалжууд мэдээлжээ.

Дэвжээний багштай муудалцсаны улмаас сүмог орхисон түүний зодог тайлах ёслолд ояката, бөхчүүд ирэхгүй гэх мэдээлэл мөн цацагджээ. Ичиножёо Япон хэвлэлд энэхүү зодог тайлах ёслол нь Сүмогийн холбоотой хамаагүй, өөрөө хувиараа ёслолоо зохион байгуулахаар болсон гэжээ.

Гэхдээ Монголын сүмочид, ояката нараа урих тухайгаа дурджээ.