Ой тогтоолтын ДАШТ-нд монголчууд гурван насны ангилалд АВАРГЫН ЦОМ хүртлээ

Монголчууд “Ой тогтоолтын Дэлхийн аварга шалгаруулах тэмцээн”-д гурван насны ангилалд тэргүүлэхийн зэрэгцээ Дэлхийн хошой аваргатай боллоо.

Олон улсын Ой тогтоолтын Холбооноос Бүгд найрамдах Энэтхэг улсын Мумбай хотод 2023 оны арваннэгдүгээр сарын 24-26-ны өдрүүдэд “Ой тогтоолтын Дэлхийн аварга шалгаруулах тэмцээн”-ийг зохион байгуулав.

Тэмцээн 13 улсын 780 тамирчин харааны болон сонсголын ой тогтоолтыг шалгасан 10 төрлөөр гурван өдрийн турш өрсөлдөж аваргуудаа тодрууллаа.

Ийнхүү тэмцээний нийлбэр дүнг зарлахад:

-Бага насанд М.Гэгээн-Оюун,

-Өсвөр насанд ОУМ Э.Үүрийнцолмон,

-Насанд хүрэгчдийн ангилалд ОУ-ын Их Мастер, Дэлхийн Аварга Т.Тэнүүн нар тэргүүлж аваргын цом хүртлээ.

Нийт тамирчдыг оноогоор тэргүүлж 2023 оны ДЭЛХИЙН АВАРГА-аар ОУ-ын Их Мастер, 2022 оны Дэлхийн Аварга Т.Тэнүүн тодорсон бөгөөд ийнхүү ХОШОЙ ДЭЛХИЙН АВАРГА боллоо.