2023 оны Панда “Баси” энх тайван, найрамдлын форум боллоо

11-р сарын 28-нд Хятадын Олон улсын найрсаг харилцааны нийгэмлэг, Хятадын төв радио телевиз хамтран зохион байгуулсан 2023 оны Панда Баси энх тайван, найрамдлын форум Сычуань мужийн Дүжяньян хотод болов. Хятадын Олон улсын найрсаг харилцааны нийгэмлэгийн дэд дарга Чэн Гөүпин, Хятадын төв радио телевизийн дэд захирал Шин Бо нар форумд оролцож, үг хэллээ.

Энэхүү форум нь “Найрсаг солилцоо, хамтын энх тайван” сэдвийн хүрээнд болж байгаа бөгөөд АНУ, Итали, Бельги, Катар, Марокко, Шри-Ланка зэрэг орны найрсаг зүтгэлтэн, мэргэжилтэн, эрдэмтэн судлаачид, холбогдох байгууллагуудын төлөөлөл нарын 200 орчим хүн оролцов.

“Баси” панда Фужөү хотод 33 жил амьдарч, дэлхийн хамгийн өндөр настай панда байсан юм. “Баси” панда 1987 онд АНУ-д айлчилж, 1990 онд Бээжингийн Азийн наадмын бэлэг тэмдэг “Паньпань” түүгээр дүрс бүтээжээ. 2015 онд “Баси дэлхийн ард түмэнд мэндчилгээ дэвшүүлж байна” гэсэн сурталчилгааны видео АНУ-ын Таймс-скверт гарч, Хятад болон гадаад улс хоорондын иргэдийн солилцооны “энх тайвны элч” болсон юм.