“Баатарлаг Жангар” туулийг 1350 туульч хайллаа

Монгол Улсын яаралтай хамгаалах шаардлагатай соёлын биет бус өвийн үндэсний бүртгэлд багтсан “Монгол Жангар хайлах” өвийг сэргээх, хадгалан, хамгаалах, өвлүүлэн үлдээх зорилгоор өнгөрсөн арванхоёрдугаар сарын 27-ны өдөр Монголын эртний уран зохиолын ноён оргил гэгдэх “Баатарлаг Жангар” туулийг 1350 туульч хайллаа.

Говь-Алтай аймагт хоёр дахь удаагаа зохион байгуулсан тууль хайлах арга хэмжээний хүрээнд 1350 туульч хүүхэд бэлтгэн Жангар туулийн 17 бүлгийг хайлж, Алтай ятга, Морин хуур, Товшуур зэрэг хөгжмөөс бүрдсэн 300 гаруй хөгжмийн чуулбар чууллаа хэмээн Соёлын яамнаас мэдээлэв.