З.Шинэчагтага Үндсэн хуулийн өдрөөр найм дахь тулаанаа хийнэ

Тайландын нийслэл Бангкок хотод Азийн холимог тулааны “Оne Championship” холбооны “ONE Fight Night 18” арга хэмжээ Үндсэн хуулийн өдөр буюу нэгдүгээр сарын 13-ны өдөр болох юм. Энэ рингэнээ Монголын тулаанч З.Шинэчагтага найм дахь тулаанаа БНСУ-ын тамирчин Квон Вон Илтэй хийх гэж байна. З.Шинэчагтага нь холимог тулааны рингэнд зургаа дахь жилдээ тулалдахдаа зургаан ялалт байгуулж, нэг ялагдал хүлээсэн билээ.