Дани Х Фредерикийг хаан ширээнд заллаа

Конпенхаген хотын төвд цугларсан олны өмнө Данийн Ерөнхий сайд Метте Фредериксен Кристиансборг ордны тагтан дээрээс Х Фредерикийг Дани, Гринланд, Фарерын арлуудын хаанаар өргөмжилснийг албан ёсоор зарлаж, 52 жилийн турш хаан ширээнд суусан түүний эх хатан хаан II Маргретед талархал илэрхийлэв.

Х Фредерик хаан ард иргэддээ хандаж хэлсэн үгэндээ ирээдүйн хаант улсаа нэгтгэсэн хаан болно хэмээн найдаж буйгаа илэрхийлээд, энэ зорилгыг бахархал, хүндэтгэл, баяртайгаар хүлээн авч байна хэмээн мэдэгджээ.

Копенхаген хотын төвд шинэ хаандаа баяр хүргэхээр 100 мянга орчим хүн цугларсан байна. II Маргрете шинэ оны мэндчилгээ дэвшүүлэх үеэр хаан ширээнээс татгалзаж буйгаа зарласан билээ. Данид хаан ширээнд залах ёслолын арга хэмжээг зохион байгуулах уламжлал тогтоогүй гэнэ.