Нийгэм
Европ тивд улаан бурхан өвчний тохиолдол бараг 45 дахин өссөнийг ДЭМБ зарлалаа
2023 онд Европын орнуудад улаан бурхан өвчний тохиолдол 42,400 бүртгэгдэж, өмнөх оноосоо бараг 45 дахин өссөн тухай Дэлхийн Эрүүл Мэндийн Байгууллага (ДЭМБ) өчигдөр зарлажээ.
2022 онд Европ тивд бүртгэгдсэн тохиолдол 941 байсан байна.
ДЭМБ-ын гишүүн Европ тивийн 53 улсын 41-д нь улаан бурхны өвчлөл нэмэгджээ.
Үүнийг коронавирусийн цар тахлын хугацаанд улаан бурхны эсрэг вакцинжуулалт тасалдсантай холбон тайлбарлаж байна.
Улаан бурхны тархалт хамгийн өндөр байгаа улсууд нь Орос, Казахстан болжээ. Өнгөрсөн оны нэгээс аравдугаар сарын хооронд дээрх улсуудад тус бүр 10,000 давсан тохиолдол бүртгэгдсэн байна.
Баруун Европын орнуудыг 183 тохиолдолтой Их Британи тэргүүлжээ.
Өнгөрсөн оны эхний арван сарын хугацаанд Европ тивд улаан бурхны улмаас 21,000 хүн эмнэлэгт хэвтэж, таван хүн амиа алдсаныг ДЭМБ “санаа зовоохуйц үзүүлэлт” гэж тодорхойлсон байна.
2020-2022 оны хугацаанд тус тивийн орнуудад 1.8 сая хүүхэд улаан бурхны вакцинжуулалтад хамрагдаагүй ажээ.
Тиймээс ДЭМБ вакцинжуулалтаа эрчимжүүлэхийг Европын орнуудад уриалсан байна.
Улаан бурхан нь вирусээр үүсгэгддэг өвчин бөгөөд амьсгалах, ханиах, найтаах үед амархан тархдаг. Ихэвчлэн хүүхдүүдэд халддаг ч аль ч насны хүмүүсийг өвчлүүлэх боломжтой.
Гол шинж тэмдгүүд нь тууралт, нус нулимс гоожих, ханиалгах. Хүндэрсэн тохиолдолд амь насанд хүрэх боломжтой юм.
Улаан бурхны халдвар дэгдэлтээс сэргийлэхийн тулд хүүхдүүдийн 95 хувийг вакцинжуулалтад бүрэн хамруулах ёстой гэж үздэг.
Вакцинжуулалтад хүүхдийг ес ба 15-18 сартайд нь хоёр удаа хамруулдаг юм.
2021 онд дэлхий даяар 128,000 хүн улаан бурхнаар амиа алдсаны ихэнх нь вакцинжуулалтад хамрагдаагүй тав хүртэл насны хүүхдүүд байсныг ДЭМБ мэдээлжээ. 2000-2021 оны хооронд вакцинжуулалтын ачаар 56 сая хүнийг үхлээс сэргийлж чадсаныг бас тооцоолсон байна.
Эх сурвалж: AFP
Америкийн “татварын дайн” өөрт нь сөрөг үр дагавартай
Бангладешийн түр засгийн газрын ахлах зөвлөх Юнустай хийсэн ярилцлага
Н.Учрал: Х.Баттулга та, Төгрөг нуурын ордыг 250 сая ам.доллараар гаднын компанид зарсан нь үнэн
Б.Жавхлан: Монгол Улсын валютын нөөц 5 тэрбум ам.долларт хүрлээ
П.Наранбаяр: 2030 он гэхэд 88 мянган хүүхэд улс даяар нэмэгдэнэ. Тэдэнд сургууль цэцэрлэг хэрэгтэй
Мессигийн хувийн бие хамгаалагчийг талбайд гарахыг хориглолоо
Хятад хэлэлцээ хийхийг хүсэж байгаа ч тэмцэхэд бэлэн байна
Хотын дарга Х.Нямбаатар Шинэ тойрог авто замын трасс дагуу ажиллалаа
БНСУ | Юн Сог Ёлийг давж заалдах боломжгүйгээр шүүнэ
ЖДҮ | Я.Эрдэнэсайхан нийслэлийн 9 дүүргийн ЖДҮҮДТ-ийн удирдлага, албан хаагчидтай уулзлаа
Т.Мөнхсайхан: Манайх шиг эмч нараа ялладаг улс ховор
Лукас Пакета бүх насаараа хөлбөмбөг тоглох эрхээ хасуулж болзошгүй
WADA-гийн тэргүүнд ганц л хүн нэр дэвшив
“СТ-4” орон сууцны дахин төлөвлөлтийг “Улаанбаатар орон сууцжуулалт” ХХК хариуцна
