CRI Монгол радио
Үзэсгэлэнт Хятад орон байгуулахыг уриалав
ХКН-ын төв хорооны ерөнхий нарийн бичгийн дарга, БНХАУ-ын дарга, Цэргийн төв зөвлөлийн дарга Ши Жиньпин өнөөдөр 3-ны өглөө нийслэлийн сайн дураар мод тарих арга хэмжээнд оролцохдоо, ханш нээх өдрийн өмнө хойно бол мод тарих сайхан цаг юм. Өнөөдөр бид хамтдаа мод тарьж, ойжуулалтын ажилд хүн бүрийг идэвхтэй оролцохыг уриалж, хүн бүгд ногоон элч, экологийн манлайлагч байхыг эрмэлзэн, үзэсгэлэнт Хятад улсын бүтээн байгуулалтад ногоон өнгө нэмж, хятад маягийн шинэчлэлийн шинэ хуудсыг хамтран бичихийг зорьж байна.
Өглөөний 10 цаг 40 минутын орчимд Хятадын нам төрийн удирдагч Ши Жиньпин, Ли Чян, Жао Лэжи, Ван Хунин, Цай Чи, Дин Шюэшян, Ли Ши, Хань Жэн болон бусад хүмүүс хамтдаа автобусаар Бээжингийн Тунжөү дүүргийн Лучэн сууринд ирж, нийслэлийн иргэдийн хамт мод тарих ажиллагаанд оролцжээ.
Мод тарих үеэр Ши Жиньпин хүрэлцэн ирсэн иргэд болон олон нийттэй найрсаг яриа өрнүүлэв. Тэрбээр төв хороонд ажилласны дараа нийслэлийн сайн дурын мод тарих ажиллагаанд 17 жил дараалан оролцож байгаа нь энэ юм.
