Дэлхий
Эйфелийн цамхгийн хоёрдугаар давхарт хүрсэн Францын тамирчин олсонд авиралтын дэлхийн дээд амжилтыг тогтоолоо
Өчигдөр буюу Лхагва гарагт Франц улсын иргэн эмэгтэй Эйфелийн цамхгийн хоёрдугаар давхарт авирч хүрснээр олсонд авиралтын дэлхийн дээд амжилтыг эвджээ.
34 настай Анук Гарньер 110 метрийн өндөрт 18 минутын хугацаанд авирсан юм. Энэ үйлдлээрээ тэр хорт хавдраас урьдчилан сэргийлэх үйлсэд хандив цуглуулжээ.
“Миний мөрөөдөл биеллээ. Энэ бол гайхамшиг. Би өөрийн чадах зүйлд хэзээ ч эргэлзэж байгаагүй” гэж дээрх өндөрт төсөөлж байснаас хоёр минутаар илүү хурдтай авирсан Гарьнер ярьсан байна.
Өмнөх дэлхийн дээд амжилтыг 2020 онд Йоханнесбург хотын алдарт Совето цамхгуудын дунд дүүжилсэн 90 метр урт олсонд авирсан Өмнөд Африкийн тамирчин Ван Тондер эзэмшиж байжээ.
Эмэгтэй тамирчдын дээд амжилтыг 2022 онд Копенхаген хотын дуурийн ордноос дүүжилсэн 26 метр урт олсонд авирсан Данийн тамирчин Ида Матилде Стенсгард эзэмшиж байсан юм.
Харин Гарньерын хувьд эрэгтэй, эмэгтэй аль аль төрлийн хамгийн урт олсонд авирсан дээд амжилтыг тогтоож байна.
Тэрбээр 2022 онд саадтай уралдааны дэлхийн аварга шалгаруулах тэмцээнд түрүүлснийхээ дараа олсонд авиралтын дээд амжилтыг эвдэх зорилго тавьж байжээ.
Стенсгардын дээд амжилт түүнийг зоригжуулж байсан гэнэ.
“Тухайн үед би өөртөө 26 метр бол надад тийм ч урт биш юм. Харин ямар байгууламжийг сонгох вэ? гэж хэлж байсан” гэж Гарньер дурсжээ.
Тэрбээр амжилтаа ахиулах төлөвлөгөөтэй байгаа гэнэ.
“Миний бэлтгэл маш сайн байгаа тул ойрын 10 жилийн дотор ахиулах бодолтой байна” гэж Гарньер ярьжээ.
Ли Чян эдийн засгийн форумын нээлтэд оролцож үг хэлэв
Дэлхийн роботын тулааны тэмцээн амжилттай өндөрлөлөө
Ши Жиньпин Фу Дань их сургуулийн 120 жилийн ойд баяр хүргэв
Номхон далайн арлын орнуудын Хятадын талаарх санал асуулгын жагсаалтыг гаргав
Боловсрол, шинжлэх ухаан технологи, боловсон хүчинд түшиглэсэн улс орноо хүчирхэгжүүлэх стратеги
П.Наранбаяр: Цалин нь бага учраас эрэгтэй багшийн тоо ихээхэн цөөрсөн
Ажлын таван өдөр УИХ-ын нэгдсэн чуулган бүтэн хуралдана
Ц.Лут-Очирын биед учирсан хохирлыг тогтоохоор шинжээч томилжээ
Бүгд Найрамдах Австри Улсын Ерөнхийлөгчийг албан ёсоор угтаж авлаа
Европын Лигийн шигшээ тоглолт: Тоттенхэм 2008 оноос хойших анхны цомоо хүртлээ
Б.Мөнгөнтуул, Б.Мөнгөнзул нар тэнцсэн ч тэмцээнийг тэргүүлж байна
“Сөүлийн найрамдлын фестиваль” олон улсын арга хэмжээ үргэлжилж байна
АН-ын бүлэг болон ЧУУЛГАН хуралдана
ХӨСҮТ | Улаанбурханы халдвар авсан 525 өвчтөн хэвтэн эмчлүүлж байна
