Израил Газын зурвасын Рафах хотод хүчтэй цохилт өгөв

Израилын Зэвсэгт хүчин Газын зурвасын өмнөд хэсгийн Рафах хотод агаараас хүчтэй цохилт өгчээ.

Египетийн хилтэй залгаа хотод цохилт өгсний улмаас таван хүн амиа алджээ. Тус хотын Аль Шука, Аль Салам дүүрэг дэх 50 гаруй байд цохилт өгсөн ба ажиллагаа хагас цаг үргэлжилсэн байна. Израилын Зэвсэгт хүчин Рафах хотод хуурай газрын ажиллагааг эхлүүлэхээр бэлтгэж байна гэж Израилын Баьлан хамгаалах армийн бригадын генерал Даниэл Хагари мэдэгджээ. Хуурай газрын ажиллагааны бэлтгэл ажлын хүрээнд даваа гарагт Рабах хотын зүүн дүүргүүдээс оршин суугчдын нүүлгэн шилжүүлэх ажиллагааг эхлүүлж, Аль Маваси болон Хан Юнис дахь хүмүүнлэгийн бүсийг өргөтгөх тухай зарласан байна.

Палестины Улаан хавирган сар нийгэмлэгийн мэдээлснээр, олон мянга оршин суугч Рафах хотын зүүн дүүргүүдийг орхин гарч байна.

Үүнээс өмнө Израилын Ерөнхий сайд Биньямин Нетаньяху дайны зорилгодоо хүрэхийн тулд Рафах хотод ажиллагаа явуулах тухай мэдэгдэж байсан юм.