“Apple” хиймэл оюун ухааны шинэ боломжуудыг зарлана

“iPhone 12″ утас, 5G холболтыг нэвтрүүлснээс хойш “Apple” компани дөрвөн жилийн турш хэрэглэгчдэд сүүлийн үед гарсан “iPhone” утсыг худалдаж авах том, чухал шалтгаан өгөөгүй. Энэ нь технологийн аварга компанийн үндсэн бизнесийн шинэлэг байдлыг алдагдуулсан, санаа зовоосон асуудал юм. Өнгөрсөн жил “iPhone” нь компанийн нийт орлогын талаас илүү хувийг бүрдүүлсэн. Гэсэн хэдий ч  шинэ загвараа шинэчлэн, томоохон өөрчлөлт оруулах тал дээр  удаашралтай байгаа тул сүүлийн жилүүдэд борлуулалтын өсөлт удааширчээ. Утсанд шинэчлэлт хийх хугацаа буюу хэрэглэгчдийн шинэ утас худалдан авах хүртэлх хугацаа нь олон төхөөрөмжийн компаниудад бүтээгдэхүүнээ бусдаас онцгой байлгах дарамтыг өгч байна. Түүнчлэн, “Apple”-ийн хувьд Хятадын гол зах зээл дэх огцом өрсөлдөөн, монополийн эсрэг зарга зэрэг нэмэлт сорилтуудтай тутгарч байгаа нь хүнд хэцүү байдалд ихээр нөлөөлжээ.

“Apple” компани жил бүр зохион байгуулдаг “Дэлхий даяарх хөгжүүлэгчдийн бага хурал”-аар хиймэл оюун ухааны шинэ боломжуудыг зарлах төлөвтэй байна. Ингэснээр бүтээгдэхүүнээ сайжруулж, “Apple”-ийг хиймэл оюун ухаан дээр аль хэдийн бүрэн урагшилсан бусад технологийн ертөнцтэй дахин өрсөлдүүлэх болно. Мөн “Apple”-д “iPhone”-оос илүү чухал бүтээгдэхүүн байхгүй гэдгийг дахин батлах төлөвтэй байна. “Apple” ирэх намар “iPhone 16”-г худалдаанд гаргах үед шинэ хиймэл оюун ухааныг хэрхэн шинэ төрлөөр ашиглаж болохыг онцлох байх.

Олон саад, бэрхшээлтэй тулгарч буй “Apple” удахгүй технологийн хүчирхэг төв гэдгээ дахин батлах боломжтой. Тус компани өнгөрсөн онд зөвхөн “iPhone”-ийн борлуулалтаас 200 тэрбум гаруй ам.долларын орлого олсон бөгөөд хувьцааных нь хэмжээ өнгөрсөн жилийн хугацаанд есөн хувиар өссөн. Гэхдээ “iPhone”-ийн борлуулалтыг улам нэмэгдүүлж, сэргээх нь “Apple”-ийн цаашдын өсөлтийн түлхүүр гэж шинжээчид үзэж байна. Технологийн хөгжлийн дараагийн томоохон давалгааны стратегийг бусад компани илүү тодорхой илэрхийлж байгаа энэ үед асар их өрсөлдөөнтэй хиймэл оюун ухааны зэвсгийн уралдаанд өөрийн байр сууриа батлан ​​харуулж чадна гэдэгт хөрөнгө оруулагчид найдаж байна.

“Apple-ийн хувьд цаг хугацаа маш чухал. “Nvidia”-г “Microsoft”-ын араас хоёр дахь хамгийн үнэ цэнэтэй технологийн компани болж дэвшсэнийг “eMarketer”-ийн ахлах шинжээч Гаджо Севилья хэлсэн билээ. Тэрбээр мөн шинэ хиймэл оюун ухаантай компьютер бүтээхээр эрмэлзэж байгаа ба “Apple”-ийн төхөөрөмжийн бизнестэй шууд өрсөлдөх боломжтой. Севилья өрсөлдөгч компаниа “Энэ үед “Apple”-ийн аливаа буруу алхам нь технологийн тэргүүлэгчийн байр сууриа алдахад хүргэж болзошгүй юм” гэжээ.

Хиймэл оюун ухаант iPhone

“Apple” олон жилийн турш хиймэл оюун ухааныг бүтээгдэхүүндээ жижиг, ихэвчлэн үл үзэгдэх хэлбэрээр оруулсаар ирсэн. Энэ нь хэрэглэгчдийн амьдралыг хөнгөвчлөхөд тусалдаг. Харин одоо “Apple” компани хэрэглэгчдэд хамгийн ихээр зориулагдсан хиймэл оюун ухааны шинэчлэлтүүдийг танилцуулахаар зорьжээ.

Тус компани “iOS”-д зориулсан шинэ хиймэл хиймэл оюун ухааны чадавхийг нэмэгдүүлэх төлөвтэй байгаа бөгөөд энэ нь “Siri”-г илүү ухаалаг болгох болно. Хиймэл оюун ухаанаар ажилладаг “Siri” нь төхөөрөмж дээр хэдэн жилийн өмнө авсан зургийг эргэн санах, цаг агаар, мэдээ, жижиг зүйлсийн талаарх дэлгэрэнгүй асуултуудад хариулах зэрэг тодорхой ажлуудыг гүйцэтгэх боломжтой. Цаг хугацаа өнгөрөхөд энэ нь хэрэглэгчийн сонголт, тэр ч байтугай хувийн шинж чанарыг мэдэж, үүний дагуу хариу үйлдэл үзүүлэх боломжтой. Өрсөлдөгчид хиймэл хиймэл оюун ухааныг төхөөрөмждөө хэрхэн нэгтгэж эхэлснээс хамааран “Apple” нь цахим шууданг нэгтгэн дүгнэх, ноорог гаргах зэрэг бусад хэрэгслийг нэвтрүүлж магадгүй юм.

Эх сурвалж: BBC