БОЛТОН ТРАМПЫН ГАДААД БОДЛОГЫГ ШҮҮМЖИЛЛЭЭ

АНУ-ын Ерөнхийлөгчийн Үндэсний аюулгүй байдлын асуудал эрхэлсэн туслах асан Жон Болтон Дональд Трампын засаг захиргааны хэд хэдэн оронд явуулж буй гадаад бодлогыг шүүмжилжээ. Энэ тухай Болтон Дьюк Их Сургуульд (Хойд Каролина) үг хэлэхдээ мэдэгджээ.

Тухайлбал, Цагаан ордны тэргүүний БНАСАУ-тай холбоотой бодлого бүтэлгүйтэх нь тодорхой байв. Болтон хэлэхдээ “Умард Солонгосын эрх баригчид цөмийн зэвсэгтэй болох хүслээсээ татгалзах стратегийн шийдвэр гаргасныг нотлох баримт байхгүй” гэжээ.

Мөн тэрбээр Ерөнхийлөгчийн үндэсний аюулгүй байдлын асуудал эрхэлсэн туслахын албан тушаал хашиж байх үедээ энэ улсын удирдлага өөрчлөгдөх хүртэл Иран руу чиглэсэн чиг хандлагыг улам бүр чангатгахыг дэмжиж байгаагаа тодорхой хэлсэн. Гэвч Вашингтон Тегеранд хамгийн ихээр дарамт үзүүлэхгүй гэдэгт Болтон итгэлтэй байна.

Экс туслахын шинэ номын тухай, түүний дотор Америкийн удирдагч, Украины Ерөнхийлөгч Владимир Зеленскийтэй хийсэн ярилцлагын талаар мөн ярилцжээ. Болтон Цагаан ордон эцэст нь түүнийг дурсамжаа хэвлэн нийтлэхэд гаргасан эсэргүүцлээ буцааж авна гэж найдаж байгаагаа илэрхийлэв. Тэрбээр АНУ-ын ерөнхийлөгчтэй хийсэн хэд хэдэн нууц ярианы агуулгыг ил болгохоос татгалзаж, “хэзээ нэгэн цагт олон нийтэд мэдээлнэ” гэжээ.