Дэлхий
Ройтерс агентлагийн ажилтан Украинд ажиллаж байхдаа Оросын пуужингийн цохилтод өртжээ
Дорнод Украины Краматорск хотын нэг зочид буудал Оросын пуужингийн цохилтод өртөх үеэр нэг ажилтан нь алагдаж, хоёр сэтгүүлч шархадсан тухай Ройтерс агентлаг Ням гарагт мэдээлжээ.
Амь үрэгдсэн Райан Эванс нь Ройтерс агентлагт аюулгүй байдлын зөвлөхөөр ажилладаг байсан юм байна. Тэрбээр Украины дайныг сурвалжлахаар томилогдсон Ройтерсын зургаан хүнтэй багийн нэг гишүүн байжээ.
Шархадсан хоёр сэтгүүлчийн нэгийнх нь биеийн байдал хүнд, эмнэлэгт байгааг тус агентлаг бас мэдээлсэн байна.
Британийн армийн алба хаагч асан 38 настай Эванс 2022 оноос хойш дайн мөргөлдөөний бүс нутагт ажиллах Ройтерсын сэтгүүлчдийн аюулгүй байдлыг хангах үүрэгтэй ажиллаж байжээ.
“Бид Райаны гэр бүл болон ойр дотны хүмүүст гүн эмгэнэл илэрхийлж байна. Райан манай олон сэтгүүлчдэд дэлхийн өнцөг булан бүрд болж буй үйл явдлыг сурвалжлахад тусалж байлаа. Бид түүнийг маш их үгүйлэх болно” гэж Ройтерс агентлагийн эмгэнэлийн мэдэгдэлд бичсэн байна.
Агаарын цохилтын үеэр зочид буудалд байсан бусад гурван сэтгүүлчид ямар нэг аюул учраагүй, эсэн мэнд байгааг агентлаг мэдээлжээ.
Краматорск хотын зочид буудал Бямба гарагт Оросын алсын тусгалын баллистик пуужин Искандерт оногдсоныг Украины ерөнхийлөгч Володимир Зеленский өчигдрийн мэдэгдэлдээ дурдсан байна. Тэрбээр Оросын тал иргэний барилга байгууламжийг санаатай онилсон гэж үзэж байгаагаа илэрхийлжээ.
Ройтерс агентлаг ОХУ-ын батлан хамгаалах яамнаас энэ талаар тодруулахад хариу өгөөгүй байна.
Эх сурвалж: Reuters
Ши Жиньпин онгоцны буудалд хэлэх үгээ бичгээр тараав
“Ши Жиньпиний эшлэх дуртай хэлц үг” нэвтрүүлэг Оросын хэвлэлээр цацагдаж эхэллээ
Ши Жиньпин Хятад, Оросын хүмүүнлэгийн хамтарсан арга хэмжээнд баярын захидал илгээв
Ши Жиньпин ОХУ-ын хэвлэлд гарын үсэгтэй нийтлэл нийтлэв
Ши Жиньпиний ОХУ-д хийх айлчлалын утга учрыг гурван одон медалиар өгүүлэх нь
П.Сайнзориг: Хороо гэх статусыг ашиглахгүй, хотууд хорооллоос бүрдэнэ
Нийслэлийн төвийн зургаан дүүргээс нийт 1278 ТҮЦ нүүлгэжээ
Жүжигчин Ём Хе Ран: Э Сун аа, ээж нь шагнал авчихлаа
Шадар сайд Т.Доржханд Азийн хөгжлийн банкны Захирагчдын уулзалтад оролцлоо
Гоо сайхны мэс заслаар дахин залуужсан Энн Хэтэуэй
Хөгжлийн банкны хуулийн шинэчлэлийн талаар хэлэлцэж байна
Ямалийг яаж зогсоох вэ? “Интер”-“Барселона”-гийн тоглолтын өмнөх яриа
Цар тахлын үед хариу арга хэмжээ авах нийгмийн хамгаалал төсөл хэрэгжиж байна
Хөгжлийн банк 10 гаруй их наяд төгрөгийн өрөө төлж барагдуулжээ
