Хил дагуух тэнгисийн агаарын довтолгооноос хамгаалах орчин үеийн хүчирхэг, тогтвортой хүчнийг байгуулахаар чармайна

ХКН-ын Төв Хорооны Улс төрийн товчооны энэхүү хамтын судалгааны хурал нь 8-р сарын 1 буюу Армийн баярын өмнөхөн боллоо. Ши Жиньпин ХКН-ын Төв Хороо болон Цэргийн Төв Зөвлөлийн нэрийн өмнөөс Ардын чөлөөлөх армийн бүх командлагч, дайчид, Зэвсэгт цагдаагийн офицер, дайчид, цэргийн энгийн албан хаагчид, цэрэг армийн нөөцөд алба хааж буй хүмүүст баярын мэнд хүргэсэн байна.

Ши Жиньпин тайлбар болон хэлэлцүүлгийг сонссоны дараа чухал үг хэллээ. Тэрээр хэлэхдээ, хил дагуух тэнгисийн агаарын довтолгооноос хамгаалах салбар бол үндэсний бүрэн эрхт байдлын чухал билэгдэл, үндэсний аюулгүй байдлын чухал гарц, үндэсний хөгжлийн чухал баталгаа учир, манай нам үргэлж өндөр ач холбогдол өгсөөр ирсэн юм. Хятадын Коммунист намын 18-р их хурлаас хойш Намын төв хороо хил дагуух тэнгисийн агаарын довтолгооноос хамгаалах салбарын бүтээн байгуулалтыг улс орны удирдлагын чухал байр сууринд тавьсаар ирсэн юм, нам, төр, цэрэг, цагдаа, иргэний хамтын хүчин чармайлтыг бэхжүүлэхээр дамжин хил хязгаарын батлан хамгаалалтыг хүчирхэгжүүлж, хил дагуух тэнгисийн агаарын довтолгооноос хамгаалах салбарын удирдлага, хамгаалалтын тогтолцоо, хүчний бүтэц, бодлогын тогтолцоо зэрэг томоохон цуврал шинэчлэлийг хэрэгжүүлэх ажлыг удирдан явуулж, хил дагуух тэнгисийн агаарын довтолгооноос хамгаалах хэд хэдэн томоохон ажиллагааг удирдан гүйцэтгэж, Хятад улсын нутаг дэвсгэрийн бүрэн эрх болон далай тэнгисийн эрх ашгийг дорвитой хамгаалж, үндэсний аюулгүй байдал болон хөгжлийн стратегийн санаачилгыг хамгаалсан байна. Хятад улсын хил дагуух тэнгисийн агаарын довтолгооноос хамгаалах бүтээн байгуулалт түүхэн амжилт гаргаж, шинэ эхлэлийн цэг дээр зогссон байна гэжээ.