Ши Жиньпин Өөрчлөлтийг иж бүрэн гүнзгийрүүлэх төв комиссын 6-р хурлыг даргалав

Хятад улсын дарга, Өөрчлөлтийг иж бүрэн гүнзгийрүүлэх төв комиссын дарга Ши Жиньпин наймдугаар сарын 29-нд өөрчлөлтийг иж бүрэн гүнзгийрүүлэх төв комиссын 6-р хурлыг даргалж, чухал үг хэлэв. Өөрчлөлтийг иж бүрэн гүнзгийрүүлэхийг цаашид ахиулах нь шинэ эринд өөрчлөлтийг иж бүрэн гүнзгийрүүлэх үндэс суурь бөгөөд ийнхүү үндэс суурь нь бат бөх, таатай нөхцөл бүрдэж байна. Одоо байгаа шинэчлэлийн үр дүн, чухал туршлагыг сайтар ашиглаж, бүх талын идэвхжлийг бүрэн дайчлан, шинэчлэлийн ажлыг зохион байгуулж хэрэгжүүлэхэд бүх хүчээ дайчлах шаардлагатай байна.

ХКН-ын төв хорооны улс төрийн товчооны байнгын хорооны гишүүн, өөрчлөлтийг иж бүрэн гүнзгийрүүлэх төв комиссын орлогч дарга Ли Чян, Ван Хунин, Цай Чи нар хуралд оролцов.

Хурлаар “ХКН-ын 20 дахь удаагийн Төв Хорооны 3-р бүгд хурлын чухал шийдвэрийг хэрэгжүүлэх төв болон төрийн байгууллагуудын ажлын хуваарийн төсөл” “Туршилтын чөлөөт бүсийн шинэчлэлийн стратегийг хэрэгжүүлэх тухай санал” зэрэг баримт бичгийг хянан баталлаа.

ХКН-ын 20 дахь удаагийн Төв Хорооны 3-р бүгд хурлаар өөрчлөлт шинэчлэлийг цаашид иж бүрэн гүнзгийрүүлэх цогц зохицуулалт хийж, 300 гаруй томоохон өөрчлөлтийн арга хэмжээг тодорхойлсон гэж хурлаар онцолжээ. Намын төв хорооны шинэчлэлийн талаарх төвлөрсөн, нэгдмэл удирдлагыг дэмжиж, шинэчлэлийг эдийн засаг, нийгмийн хөгжилтэй нягт уялдуулж, өөрчлөлт шинэчлэлийн чухал арга хэмжээг эрчимтэй хэрэгжүүлэхэд тус дөхөм үзүүлэх хэрэгтэй.