Вануату улсын Ерөнхий сайд Шарлот Салвай ХТРТ-ийн сэтгүүлчдэд ярилцлага өгчээ

Вануату улсын Ерөнхий сайд Шарлот Салвай Хятадад айлчлах үеэр ХТРТ-ийн сэтгүүлчдэд ярилцлага өгсөн байна.

Сэтгүүлч: сүүлийн хэдэн өдөр та маш завгүй байлаа. Гуандүн, Шанхай, Бээжинд очиж, өндөр технологийн олон компанитай танилцаж, хурдны галт тэргэнд сууж, мөн Хятадын уламжлалт дуурийг үзэж сонирхсон. Таныг хятад хоолонд их дуртай, тэр дундаа Бээжин шарсан нугасанд дуртай гэж сонссон. Хятадад хийсэн айлчлалынхаа ерөнхий сэтгэгдлээ бидэнтэй хуваалцана уу?

Шарлот Салвай: Хэлэх зүйл их байна. Бээжин нугас! Бид Бээжинд ирсэн даруйдаа хооллосон, амт нь маш сайнхан байсан. Би хоёрдох удаагаа Хятадад айлчилж байна. Хятадад хийж буй асар их өөрчлөлт, тэр дундаа инноваци нь надад маш гүн сэтгэгдэл төрүүллээ. Ялангуяа Хятадын хотууд ч надад онцгой сэтгэгдэл үлдээсэн. Хятад улс соёлоо хамгаалж, өвлүүлэн үлдээх тал дээр их ажил хийжээ.

Соёл бол бүх зүйлийн үндэс суурь учраас бидэнд гарал үүслээ мартаж болохгүй, одоог ойлгоход тусалдаг. Хятад улс соёлыг хамгаалахын зэрэгцээ соёлын шинэчлэлийг байнга ахиулсаар байна. Хятадын засгийн газар, ард түмэн энэ чиглэлд маш их хүчин чармайлт гаргаж байна. Хятад улсын ололт амжилт, ялангуяа дэд бүтцийн бүтээн байгуулалт, байгаль орчны хамгаалалтыг сайн хийжээ. Эко системийг хамгаалах замаар уур амьсгалын өөрчлөлттэй тэмцэх нь сорилт юм. Тиймээс манай улс шиг жижиг улс энэ туршлагаас суралцах нь маш чухал гэж бодож байна.