Их мастер Б.Мөнгөнтуул ГРАНПРИ тэмцээнд өрсөлдөнө

Казахстан улсын Шымкент хотод шатрын эмэгтэйчүүдийн 2024-2025 оны цуврал гранпри тэмцээн аравдугаар сарын 30-наас арваннэгдүгээр сарын 9-нд болох бөгөөд нийт 10 шатарчин тойргоор өрсөлдөнө.

Зургаан цуврал тэмцээний үр дүнгээр гранпри тэмцээний цомын эзнийг тодруулах ба нэг тамирчин гуравт нь оролцох эрхтэй.

Монгол Улсаас Их мастер, Гавьяат тамирчин, Үндэсний шигшээ багийн тамирчин Батхуягийн Мөнгөнтуул өрсөлдөх бөгөөд тэрбээр өмнө нь хоёр (2009-2010, 2011-2012) цуврал тэмцээнд оролцохдоо 6, 8 дугаар байрт орж байв.

Монголоос тус тэмцээнд хамгийн өндөр амжилт үзүүлсэн тамирчин нь Их мастер, Гавьяат тамирчин Т.Батчимэг юм. Тэрбээр 2012-2013 оны цувралд тавдугаар байр эзэлж байжээ.

Б.Мөнгөнтуул гавьяат ФИДЕ Гранд Свисс тэмцээнд дөрөвдүгээр байр эзлэн, энэ жилийн гранприд оролцох эрхээ авчээ.