77 улс орон, олон улсын байгууллага 7 дахь CIIE-ийн үндэсний үзэсгэлэнд оролцоно

Олон улсын импортын экспогийн албан хариуцлагатан танилцуулснаар, 77 улс орон, олон улсын байгууллага 7 дахь CIIE-ийн үндэсний үзэсгэлэнд оролцохоо бүртгүүлсэн бөгөөд нийт тоо нь 6 дахь CIIE-ийнхээс давсан байна. Оролцогч орнууд бүр өвөрмөц лангуу, үзэсгэлэнгийн шинэлэг хэлбэрийг ашиглан улс орон бүрийн хөгжлийн өндөр түвшин, хамтын ажиллагааны асар их боломжтой салбаруудыг танилцуулж, үндэтний соёлын өвөрмөц талаа харуулахыг хичээж байна. Түүнчлэн үндэсний үзэсгэлэн нь буурай хөгжилтэй 19 орны өндөр чанартай бүтээгдэхүүнүүдийг Хятадын зах зээлд нэвтрүүлэх, дэлхийн зах зээлтэй холбоход дэмжлэг үзүүлэх юм байна.

Энэ жил Хятад, Танзани улс дипломат харилцаа тогтоосны 60 жилийн ой тохиож байна. Танзани улс гол зочин орны хувьд “Хятад-Африкийн найрамдлын гүүр, байгаль, соёлын симфони” гол сэдэв бүхий үндэсний павильон ажиллуулж, Хятад, Танзанийн төмөр замын бүтээн байгуулалтын ололт амжилт, кофе, самар, улаан дарс, зөгийн бал зэрэг онцлог бүтээгдэхүүнээ үзүүлнэ.