Ши Жиньпин Хэ Ичэнг хүлээн авч уулзав

Хятад улсын дарга Ши Жиньпин 18-ны үдээс хойш Макаод Макаогийн засаг захиргааны онцгой бүсийн засаг дарга Хэ Ичэнг хүлээн авч уулзав.

Ши Жиньпин Хэ Ичэнд хандан хэлэхдээ, Төв засгийн газар та болон засаг захиргааны онцгой бүсийн тус ээлжийн захиргааны ажлыг бүрэн үнэлж байна. Шинэ засаг дарга болон түүний удирдах баг хуулийн дагуу засаглал явуулахыг та идэвхтэй дэмжиж, “нэг улс, хоёр систем”-ийн үйлс, Макао болон улс орны хөгжилд хувь нэмрээ оруулсаар байхыг хүсэж байна гэв.

Хэ Ичэн Макаогийн засаг захиргааны онцгой бүсийн захиргаа болон Макаогийн хотын ард иргэдийн нэрийн өмнөөс Ши Жиньпин дарга болон түүний гэргий Пэн Ли-Юань Макао эх орныхоо мэдэлд эргэж нэгдсэний 25 жилийн ойн баяр болон Макаогийн засаг захиргааны онцгой бүсийн 6 дахь захиргааны тангараг өргөх ёслолд оролцон, түүнчлэн Макаогийн ажил байдалтай танилцахаар хүрэлцэн ирснийг халуун дотноор угтан авч буйгаа илэрхийлэв. Ши Жиньпин дарга болон төв засгийн газрын итгэл, дэмжлэгт чин сэтгэлээсээ талархаж буйгаа тэрбээр илэрхийлжээ. Засаг захиргааны онцгой бүсийн шинэ захиргаа хуулийн дагуу засаглал явуулахыг тэрбээр дэмжиж, Макао болон улс орны хөгжил, бүтээн байгуулалтад үргэлжлүүлэн хувь нэмрээ оруулах болно гэжээ.