Хятадын эдийн засгийн амжилт нь дэлхийн шинэ хөдөлгөх хүч болно

2024 оныг эргэн харахад Хятадын эдийн засаг ямар байсан бэ? Хятад улс өдөр бүр 80 мянга гаруй автомашин, 3.4 сая ухаалаг гар утас үйлдвэрлэж, 470 сая гаруй буухиа илгээмж тээвэрлэн хүргэдэг гэсэн тооцоо бий. Цар хэмжээний хувьд 2024 онд жилийн орлого нь 20 сая юаниас давсан Хятадын аж үйлдвэрийн нэмүү өртөг нь өнгөрсөн оны мөн үеийнхээс 5.8%-иар нэмэгдэж, үндсэн хөрөнгийн хөрөнгө оруулалт өмнөх оныхоос 3.2%-иар нэмэгдэж, гадаад худалдаа шинэ дээд хэмжээнд хүрсэн… 2024 онд Хятадын эдийн засгийн үйл ажиллагаа ерөнхийдөө тогтвортой дээрээ ахиц дэвшил гарч, бүтэн жилийн үндсэн зорилт, үүргээ амжилттай биелүүлсэн байна.

Дотоод гадаадын хүндрэлтэй нөхцөл байдалд Хятад улс эдийн засгийн жилийн өсөлтийн зорилтоо биелүүлж чадсан нь энэ жилийн турш шинжлэх ухаанч, эрч хүчтэй, үр дүнтэй макро тохируулалтын бодлого хэрэгжүүлсэнтэй холбоотой гэж Хятадын Ардын их сургуулийн Эдийн засгийн дээд сургуулийн профессор Ван Шяосүн тайлбарлажээ.

Дэлхийн хоёр дахь том эдийн засгийн хувьд Хятад улс нь юуны өмнө эрсдэл сорилтуудыг зохицуулах нөхцөлд л тогтвортой урагшлах боломжтой. Хятад улс үйлдвэрлэл нийлүүлэлтийн гинжин хэлхээний уян хатан чанар болон гадаадад нээлттэй байлгах багц бодлогуудад түшиглэн, улс орнуудтай найрсаг хамтран ажиллаж, гадаад орчны эрсдэлийг бууруулсан бөгөөд гадаад худалдааны хөгжлөө дэмжин, Хятадын зах зээлийн боломжийг дэлхий нийттэй үргэлжлүүлэн хуваалцсаар байна.

Дотооддоо хоёр гуравдугаар улиралд эдийн засгийн дарамт ихэссэн зэрэг шинэ шинэ асуудлууд илэрсэн нөхцөл байдалд цар хэмжээг нэмэгдүүлэх бодлогуудыг хэрэгжүүлснээр дөрөвдүгээр улирлын эдийн засаг өсөж, бүтэн жилийн зорилтдоо хүрэхэд шийдвэрт хувь нэмэр орууллаа. Дотоодын үр дүнтэй эрэлт хэрэгцээ сул буйд чиглүүлэн, дотоодын эрэлт хэрэгцээг нэмэгдүүлэх, хэрэглээг дэмжихийн зэрэгцээ цогц бодлогуудыг хэрэгжүүлэн, орон нутгийн эдийн засгийн дотоодын хөдөлгөх хүчийг дайчлан, хөгжлийн суурийг үр дүнтэй бэхжүүлж чадлаа.

Тогтворжуулах суурин дээр Хятад улс шинэ хөгжлийн хөдөлгөх хүчийг бий болгохыг хичээж байна. Шинэ чанарын хөдөлгөх хүчийг ихээр хөгжүүлэхийн хэрээр шинэ үйлдвэрлэл хөгжиж, уламжлал нь сайжирч байна.

Хятадын эдийн засгийн тогтвортой байдал нь дэлхийн эдийн засгийн тогтвортой байдалд тустай бөгөөд Хятад улсын хөгжил дэвшил нь дэлхийн хөгжил дэвшил юм. Хятадын том зах зээл, үйлдвэрлэлийн бүрэн тогтолцоо, цогц чадвар нь эдийн засаг тогтвортой хөгжихийн үндэс суурь юм. Цаашид гадаадад өндөр түвшинд нээлттэй байлгах нь эдийн засгийн өсөлтөд хүчтэй тулгуур болох нь зайлшгүй.