Жүжигчин Квон Сан Ү элэгний хавдрын улмаас хагалгаанд оржээ

Жүжигчин Квон Сан Ү элэгний гемангиомын улмаас хагалгаанд орсон тухайгаа саяхан орсон ярилцлагадаа дурджээ.

Түүний тоглосон “Hitman2” кино энэ сарын 22-ны өдөр нээлтээ хийх бөгөөд киноныхоо тухай ярьсан ярилцлагын үеэр тэрээр “Би үүнийг анх удаагаа олон нийтэд ярьж байгаа ч “Hitman 2” кино яг л хоёр хэсэгтэй мэт санагдаж байгаагийн шалтгаан нь жил бүр хамрагддаг эрүүл мэндийн үзлэгийн үеэр элэгний гемангиоматай (хоргүй хавдар) гэдгээ мэдсэн. Аав маань элэгний хорт хавдрын улмаас эрт нас барсан юм л даа. Эмч надад “Хэрвээ гемангиома 10 см-ээс дээш томорвол хагалгаа хийхэд хүндрэлтэй болох болно. Хэрэв ажлын хуваарь тань болохоор байвал 6см орчим болмогц нь авахуулах хэрэгтэй гэсэн.

Гэр бүлийнхэн маань АНУ-д байсан болохоор би энэ талаар нэг их чимээ шуугиан гаргалгүйгээр “Hitman 2″-ын өмнө ганцаараа хагалгаанд орсон. Эмч надад элэгний маань зургийг үзүүлээд далдуу мод шиг харагдаж байгаа хэсгийг авсан гэж хэлсэн. Энэ нь бүх хүнийг гайхшруулсан.

Эмч бас миний элэг ер бусын том байсан гэж хэлсэн. Элэгний маань 30 хувийг авсан ч үлдсэн хэсэг нь энгийн хүнийх шиг хэмжээтэй байсан гэж хэлсэн. Би эмнэлэгт багагүй хугацаанд байсан. Гэр бүлийнхэн маань гадаадад байгаа учраас маш их ганцаардсан.

Би эдгэрсэн даруйдаа “Hitman 2” киноны зураг авалтдаа эргэн орсон” гэжээ.

Түүнийг ийнхүү ярьсны дараа тус кинонд хамтран тоглосон жүжигчин И И Гён түүнийг магтан “Тэр их ядарсан байх даа. Гэхдээ зураг авалтын үеэр тэр чадах бүхнээ дайчилсан” хэмээн ярьсан байна.