Apple компани өнгөт арьстнуудад зориулж шинэ бүтээгдэхүүн гаргажээ

Apple компани Африк гаралтай америкчуудын түүхэн сарыг тохиолдуулан “Black Unity” шинэ коллекцоо танилцуулжээ. Коллекцод Apple Watch Black Unity Sport Loop тусгай оосор, цагны нүүр болон iPhone болон iPad wallpaper орсон байна.

Энэ хүрээнд тус компани мөн Эллис Марсалисын хөгжмийн төв, Лондон дахь Баттерси урлагийн төв, Сидней дэх Шинэ Өмнөд Уэльсийн уран зургийн галерей, Теннеси муж дахь Африк гаралтай америкчуудын хөгжмийн үндэсний музей зэрэг байгууллагуудыг дэмжин ажиллахаар болжээ.

Шинэ коллекцын дизайн дээр Apple компанийн Африк гаралтай креатив мэргэжилтнүүд ажиллажээ. Unity Rhythm коллекц нь пан Африкийн тугийн хар, ногоон, улаан өнгийг тодотгосон байна. Unity Rhythm нүүр бүхий цаг хэрэглэхэд хагас цаг тутамд хэмнэлттэй хөгжим дуугардаг байна.