Ши Жиньпин Азийн өвлийн IX наадмын нээлтийн ёслолд оролцоно

Азийн өвлийн IX наадам 2-р сарын 7-ны орой Хармөрөн мужийн Харбин хотноо нээгдэнэ. Хятад улсын дарга Ши Жиньпин уг наадмын нээлтийн ёслолд оролцох болно.

2-р сарын 7-ны үдэд Ши Жиньпин дарга нээлтийн ёслолд оролцохоор хүрэлцэн ирсэн гадаадын удирдагчдад хүндэтгэлийн дайллага зохион явуулна.

Киргизийн ерөнхийлөгч Садыр Жапаров, Пакистаны Ерөнхийлөгч Асиф Али Зардари, Брунейн султан Хассанал Болкиах, Тайландын Ерөнхий сайд Петхонгтан Чинават, БНСУ-ын Үндэсний ассамблейн дарга Ву Вон Сик нар Азийн өвлийн IX наадмын нээлтийн ёслолд оролцох юм.

Хятадын Төв Радио Телевиз Азийн өвлийн IX наадмын нээлтийн ёслолыг шууд дамжуулж, Синьхуа сайт зураг, бичвэрээр шууд хүргэх аж.