Нохойн мах бэлтгэх үйлдвэрүүдийг 2026 онд бүрэн ХААНА

Өмнөд Солонгост нохойн мах бэлтгэхийг хориглосон нь тус чиглэлээр үйл ажиллагаа явуулдаг үйлдвэрүүдийн 40 хувийг хаахад хүргэсэн тухай тус улсын Засгийн газраас мэдээлжээ. Эрх баригчид 2026 онд уг үйлдвэрүүдийг бүрэн хаах зорилт тавьжээ.

Тус улс 2027 оноос эхлэн нохойн мах худалдаалахыг хуулиар хориглоно хэмээн тус улсын Засгийн газар зарласны дараа 10 үйлдвэр тутмын дөрөв нь сайн дураараа үйл ажиллагаагаа зогсоожээ. Өмнөд Солонгост нохойн мах бэлтгэх чиглэлээр 1537 үйлдвэр ажиллаж байснаас ийнхүү 623 нь хаалгаа барьсан байна. Эдгээрээс 300 хүртэлх нохой үржүүлж байсан үйлдвэр ихэнх хувийг эзэлжээ. 2025 оны эцэс гэхэд хаалгаа барьсан үйлдвэрийн тоо 60 хувьд хүрэх төлөвтэй байна.

2024 оны нэгдүгээр сард Үндэсний Ассемблей нохой үржүүлэх, нядлах, хоол хүнсэнд түгээх тухай тусгай хуулийг баталсан. Тус хууль ирэх 2027 оны хоёрдугаар сарын 7-ны өдрөөс эхлэн хүчин төгөлдөр мөрдөгдөж эхлэх аж.

Төрөөс хаалгаа барьж буй аж, ахуй нэгжүүдэд нөхөн олговор болгон нэг нохойд 225,000-600,000 хүртэлх вон өгч буй бөгөөд үйлдвэрүүдэд байгаа нохойнуудыг бусад мал, аж ахуйн үйлдвэрүүдэд өгч, мануулах гэнэ.

Ийнхүү нохойн махыг зах зээлээс хасах нь Солонгос улсыг мал аж ахуйн хувьд өндөр хөгжилтэй орон болгоход тустай хэмээн эрх баригчид үзжээ.