Энтертайнмент

ХАРБИН-2025 I Азийн наадмын шинэ төрөл Ski Mountaineering

Нийтэлсэн

С.Сүхтөмөр I Азийн наадмаас мэдээлж байна

“Харбин-2025” Азийн өвлийн наадамд цоо шинэ нэгэн спортын төрөл багтсаныг сонирхуулъя.

Англи хэл дээр уг спортыг Ski Mountaineering буюу товчоор Skimo гэж нэрлэж байгаа бөгөөд Монголоор тайлбарлавал “Ууланд цанаар уралдах” өрсөлдөөн юм.

Ууланд гэдэг нь цас мөстэй, замгүй, бартаа ихтэй газраар хамгийн багадаа гурван удаа өгсөж, мөн тоогоор уруудаж барианд хүрэх юм.

Тамирчид уралдаанд гарахдаа цана, таягнаас гадна хүрз, авиралтын алх, бэхэлгээний олс, мөс болон хаданд өмсөх хадаастай хамгаалагч зэрэг олон хэрэгслийг авч явдаг бөгөөд эрэгтэй, эмэгтэй, холимог буухиа багийн төрлүүдээс гадна олон улсад насны ангиллаар тэмцээн зохиогддог юм байна.

Спортын энэхүү шинэ төрөл 2026 онд Итали улсын Милано- Кортинад болох өвлийн олимпод мөн л анх удаагаа орох бөгөөд энэ удаагийн Харбины өвлийн наадамд 10 орны 47 тамирчид оролцсоноос эрэгтэй ба эмэгтэй төрөлд Хятадын тамирчид эхний гурван байрыг эзэлсэн бол холимог буухиа багийн тэмцээн хоёрдугаар сарын 12-нд болох хуваарьтай байна.

Exit mobile version