T-ARA хамтлагийн Хё Мин ирэх дөрөвдүгээр сард ХУРИМЛАНА

T-ARA хамтлагийн Хё Мин ирэх дөрөвдүгээр сард хуримаа хийхээр болсон тухай мэдээлэл цацагджээ.

Sports Kyunghyang-ийн мэдээлснээр Хё Мин ирэх дөрөвдүгээр сард Сөүлд хуримаа хийх бөгөөд түүний сүйт залуу нь санхүүгийн салбарт ажилладаг олны танил бус нэгэн аж. Хё Мин саяхнаас ойр тойрныхон болон дотнын найзууддаа хуримаа хийх гэж байгаа тухайгаа дуулган, амьдралынхаа нэгэн шинэ хуудсыг эхлүүлэх гэж буйгаа зарлан, хуримын зар тарааж эхэлжээ.

Хё Мин ийнхүү хуримаа хийснээр T-ARA хамтлагийн хуримаа хийж буй дөрөв дэх гишүүн болж байгаа юм. Хамтлагийн гишүүн Со Ён 2022 онд гэрлэсэн бол түүний дараа Жи Ён хуримаа хийсэн ч 2024 онд гэрлэлтээ цуцлуулсан билээ. Мөн хамтлагийн гишүүн А Рым 2019 онд гэрлэсэн ч 2023 онд гэрлэлтээ цуцлуулж, дахин гэрлэх гэж буйгаа зарласан байна.

Хуримын ёслол гэр бүл, найз нөхдийн хүрээнд хаалттай зохион байгуулагдах төлөвтэй байна.