eSport-ын томоохон багууд шатрын тоглогчтой болж эхэллээ

#Шатар 2024 онд анх зохион байгуулсан 60 сая ам.долларын шагналын сантай “Esports World Cup” наадмын 2025 оны тэмцээнд шатрын төрөл нэмэгдээд байгаа юм.

Электрон спорт /eSports/ дэлхий дахинд эрчээ авч тоглогч, үзэгч болон зах зээлд эргэлдэх мөнгөний хэмжээ нэмэгдэхтэй зэрэгцэн онлайн шатрын хамгийн том платформ болох Chess.com нэгдээд байгаа билээ.

Тодруулбал 2024 онд анх зохион байгуулсан 60 сая ам.долларын шагналын сантай “Esports World Cup” наадмын 2025 оны тэмцээнд шатрын төрөл нэмэгдээд байгаа юм.

Улмаар дэлхийн хамгийн том eSports-ын багууд шатрын мэргэжлийн тоглогчдыг багтаа нэгтгэн гэрээ байгуулж эхэллээ.

Дэлхийн чансааг тэргүүлэгч, дэлхийн аварга, их мастер Магнус Карлсен, Фабиано Каруана, Хикарү Накамүра, Ян Непомниахчи тэргүүтэй 12 шатарчин одоогоор sSport-ын багуудтай гэрээ байгуулаад байна.

Албан ёсоор шинэ багаа зарласан тоглогчид:

1. Володар Мурзин /Орос/ – All Gamers Global /Вьетнам-Хятад/
2. Аржун Эригайси /Энэтхэг/ – Gen.G Esports /АНУ-Өмнөд Солонгос/
3. Максим Вашье-Лаграв /Франц/ – Vitality /Франц/
4. Дин Лирен /Хятад/ – LGD Gaming /Хятад/
5. Нодирбек Абдусатторов /Узбекистан/ – NAVI /Украин/
6. Уэсли Со /Филиппин-АНУ/ – NAVI /Украин/
7. Олександр Бортник /Украин/ – NAVI /Украин/
8. Вэй И /Хятад/ – Weibo Gaming /Хятад/
9. Магнус Карлсен /Норвеги/ – Team Liquid /Нидерланд/
10. Фабиано Каруана /Итали-АНУ/ – Team Liquid /Нидерланд/
11. Хикарү Накамүра /Япон-АНУ/ – Team Liquid /Нидерланд/
12. Ян Непомниахчи /Орос/ – Aurora Gaming /Серби/

Одоогоор 150 мянган ам.долларын шагналын сантай “Champions Chess Tour Chessable Masters 2025” тэмцээн онлайнаар болж байна. Уг тэмцээнд дээрх тоглогчдын долоо нь оролцож байгаа бөгөөд хагас шигшээд Магнус Карлсен, Аржун Эригайси, Хикарү Накамүра, Алиреза Фиружа нар шалгараад байна.