Марко Рубиогийн Хятадын талаар хэлсэн үгийг шүүмжлэв

Үүнтэй холбогдуулан Линь Жянь хэлэхдээ: Марко Рубиогийн холбогдох үг нь хүйтэн дайны үеийн сэтгэхүйгээр дүүрэн бөгөөд худал хуурмаг, төөрөгдсөн цуурхал тараасан байна, Хятад улс үүнд маш дургүйцэн, эрс эсэргүүцэж, АНУ-ын талд хатуу чанга эсэргүүцэл илэрхийлсэн.

Хэрэв АНУ мөргөлдөөн үүсгэхийг хүсэхгүй байгаа бол Тайваний асуудал дээр зааг шугамыг давах, гишгэхээ болих хэрэгтэй.

Хятад улс АНУ-тай эрх тэгш, харилцан хүндэтгэсэн үндэс суурь дээр яриа хэлцэл, зөвшилцлийн замаар тус тусын анхаарал хандуулж буй асуудлуудаа шийдвэрлэхэд бэлэн бөгөөд өөрийн хууль ёсны эрх ашгийг хамгаалахын тулд шаардлагатай бүх арга хэмжээг авах болно.

COVID-19 вирусын үүсэл гарлыг судлах нь төв чанга шинжлэх ухааны асуудал юм. Олон улсын шинжлэх ухааны салбарт вирусын эх үүсвэрийг дэлхий дахинд чиглүүлсэн маш олон сэжүүрүүд байна, вирусын үүсэл гарлыг хайх ажил бол дэлхийн хэмжээнд авч үзэхээр суурь болгох ёстой бөгөөд олон орон, олон газарт, ялангуяа АНУ-д өрнүүлэх шаардлагатай байна.

АНУ нь Хятад улсыг өөрийн ноёрхогч үзлийн логикоор “толидон харах” хэрэггүй. Ази Номхон далайн бүс нутагт лагерийн сөргөлдөөн хийх нь цаг үеийн чиг хандлагад нийцэхгүй бөгөөд бүс нутгийн улс орнуудын хамтын хүсэл эрмэлзэлд нийцэхгүй, дэмжлэггүй болох бөгөөд хэзээ ч амжилтанд хүрэхгүй юм.

Хятад улсыг муулах, гүтгэн харлуулах нь дэлхий нийтийг төөрөгдүүлж чадахгүй, “микрофон дипломат” хийх нь Хятад Америкийн харилцаанд ямар ч ашиг авчрахгүй гэдгийг бид АНУ-д анхааруулж байна гэв.