Өмнөд Солонгосын Ерөнхийлөгч Юн Сог Ёль шоронгоос суллагдлаа

Өмнөд Солонгосын Ерөнхийлөгч Юн Сог Ёлийг үндэслэлгүйгээр баривчилсан хэмээн үзэж, түүнийг шоронгоос суллажээ.

Энэ сарын 8-ны өдрийн бямба гарагт Юн Сог Ёлийг сулласан ч түүнийг улс эх орондоо дайны бэлэн байдал зарласан хэргээр шүүх болно. Түүнийг өнгөрөгч арванхоёрдугаар сард улс төрийн томоохон үймээн самуун дэгдээсэн хэрэгт буруутган нэгдүгээр сард баривчилсан. Үндэсний ассамблей түүнийг албан тушаалаас нь түдгэлзүүлэх санал хураалт явуулж, Үндсэн хуулийн цэц уг асуудлыг хэлэлцэж буй аж.

Сөүлийн төв дүүргийн шүүх түүний эсрэг мөрдөн байцаалтын ажиллагаа явуулсан нь хууль ёсны эсэхийг баталгаажуулах шаардлагатай хэмээн үзэн энэ сарын 7-ны өдөр түүнийг суллах хүсэлтийг нь хүлээн авчээ.

Түүний өмгөөлөгч Юн Сог Ёлийг баривчилсан газар бослоготой холбоотой хэргүүдийг шалгах хууль ёсны эрх мэдэлгүй байсан хэмээсэн бол шүүхээс түүнийг албан ёсоор баривчлах хуулийн хугацаа нь дууссан хэмээн мэдэгдсэн байна.

52 хоног хоригдсон түүнийг энэ оны сүүлээр шүүнэ. Гэм буруутай нь тогтоогдсон тохиолдолд түүнд бүх насаар нь хорих ял, эсвэл цаазаар авах ял оноож магадгүй тухай эх сурвалж дурджээ.