“Хятадын хавар” дэлхийн яриа хэлэлцээний Сенегал дахь тусгай арга хэмжээ Дакар хотод болов 

Орон нутгийн цагаар 3-р сарын 13-ны өдөр Хятадын төв радио, телевизээс зохион байгуулсан “Хятадын хавар: Хятадын боломжийг дэлхий нийтээрээ хуваалцах нь” сэдэвт дэлхийн яриа хэлэлцээний Сенегал дахь тусгай арга хэмжээ  болов. ХКН-ын Төв Хорооны Суртал ухуулгын хэлтсийн дэд сайд, Хятадын Төв радио, телевизийн захирал Шэнь Хайшюн видео илтгэл тавив. Хятадаас Сенегал улсад суугаа Элчин сайдын яамны Хэргийг түр хамаарагч Ли Янь, Сенегалын Ерөнхийлөгчийн дэргэдэх сайдын хэмжээний зөвлөх Амаду Воне, Сенегалын Ерөнхийлөгчийн дэргэдэх сайдын хэмжээний зөвлөх Алдиума Соу, Сенегалын өмнөх ерөнхийлөгчийн дэргэдэх Гадаад харилцааны ахлах зөвлөх Дунбар Ба, Африк Хятадын найрамдлын нийгэмлэгүүдийн холбооны дарга Мбонго Ашан, Дакар хотын зөвлөхүүдийн клубын тэргүүн Амиду Касе нарын зэрэг Хятад, Сенегал хоёр орны улс төр, бизнес, эрдэм шинжилгээний болон хэвлэл мэдээллийн салбарын 70 орчим төлөөлөгч уг арга хэмжээнд оролцож, Хятад маягийн орчин үеийн шинэчлэлээс Африкийн хөгжилд авчирсан боломж болон санаа сэдлийн талаар солилцоо, хэлэлцүүлэг өрнүүлсэн байна.