Ливаны экс Ерөнхий сайд Хассан Диаб ХТРТ-д ярилцлага өглөө

Сэтгүүлч: Хятад улсын дээд удирдагч Ши Жиньпин Гуанжөү хотод болсон “Хятад орныг танин мэдэхүй “олон улсын хуралд илгээсэн баярын захидалдаа, “Хятад улсыг ойлгохын тулд өөрчлөлт шинэчлэлтийг цаашид хэрхэн иж бүрэн гүнзгийрүүлэх, Хятад маягийн шинэчлэлийг хэрхэн ахиулахыг ойлгох ёстой” гэж онцолсон юм. Ши Жиньпин даргын хэлсэн үг түүнчлэн Хятад маягийн шинэчлэлийн талаар та хэрхэн үзэж байна вэ?

Диаб: Энэ мэндчилгээний захидал нь надад гүн сэтгэгдэл төрүүлсэн юм, Хятад улс ард түмэндээ ашиг тусаа өгөөд зогсохгүй дэлхий дахинд хувь нэмрээ оруулж байна. Хятад улс эдийн засаг, шинжлэх ухаан, дээд боловсрол зэрэг олон салбарт ер бусын ололт амжилт гаргасан бөгөөд миний бие дээд боловсролын салбар дахь хөгжилд маш их анхаарал хандуулж байна. Өнөөдөр миний бодлоор Хятад улс эдийн засгийн хүчирхэг гүрэн төдийгүй дэлхийн хаана ч хүмүүсийн хүндэтгэлийг олох болжээ. Хятадын ард түмэн их найрсаг. Ливанд ч мөн адил мэдрэмж төрж байна. Би ажил амьдралдаа ямар ч үүрэг гүйцэтгэж байхдаа Хятадтай гүүр барихын төлөө тууштай ажиллаж ирсэн юм.

Хятад улс гадаадад нээлттэй байгаа нь зарим хүмүүсийн үзэж байгаачлан худалдаа, эдийн засгаар хязгаарлагдахгүй, соёлын түвшинд ч илүү харагдаж байна. Хүмүүс хоорондоо илүү сайн харилцаж, бие биенээ ойлгох боломжийг олгож байна. Би Хятадад ирэх болгонд олон зүйлийг олж мэддэг, Хятадын соёлын талаарх ойлголт маань улам гүнзгийрсээр байна. Хятадад ирж, олон хот, бүс нутгийн хүмүүстэй уулзаж байгаадаа маш их баяртай байдаг.

Өнгөрсөн оны 12-р сард Гуанжөү хотод “Хятад орныг танин мэдэхүй “олон улсын хурал болж, Ливаны Ерөнхий сайд асан Хассан Диаб зэрэг гадаад дотоодын 600 гаруй зочид хуран цугларч, “Хятад маягийн шинэчлэл, дэлхийн хөгжлийн шинэ боломжууд” сэдвээр яриа хэлцэл өрнүүлж, санал бодлоо солилцож, хамтын ажиллагааны талаар олон нийтлэг ойлголтод хүрсэн юм.