Тоглогчийг нас барсан гэж эндүүрч, эмгэнэл илэрхийлсэн хөл бөмбөгийн клуб уучлалт гуйжээ

Болгарын хөл бөмбөгийн дээд лигийн клуб тоглолтын өмнө хуучин тоглогчоо нас барсан гэж эндүүрч, нэг минутын турш эмгэнэл илэрхийлсэндээ уучлалт гуйжээ.

Тодруулбал Арда Каржали баг ням гарагт Левски Софиатай хийсэн тоглолтынхоо өмнө хуучин тоглогч Петко Ганчевд эмгэнэл илэрхийлж, нэг минутын турш чимээгүй зогссон.

Гэвч тоглолт дуусахаас өмнө тус клуб өөрсдийн цахим хуудсаар дамжуулан буруу мэдээлэл хүлээн авснаа мэдэгдэж, уучлалт гуйсан байна.

Тэд “Буруу мэдээлэл авсандаа түүнээс болон гэр бүлийнхнээс нь уучлалт хүсэж байна. Петко Ганчевт эрүүл энхийг хүсэн ерөөе” гэжээ.

Гэхдээ маргааш өдөр нь энэ мэдэгдлээ устгасан байна. Петко Ганчев нь өдгөө 78 настай бөгөөд Арда Каржали багт тоглодог байжээ.

Эх сурвалж: ВВС