CGTN мэдээ

Ши Жиньпин Гүйжөү мужид ажиллаж байна 

Нийтэлсэн

2 долоо хоног өмнө

Хятад улсын дарга Ши Жиньпин саяхан Гуйжөү мужид ажил байдалтай танилцах үеэр хэлэхдээ, баруун бүс нутгийг нээн хөгжүүлэх, Хөх мөрний эдийн засгийн бүсийг хөгжүүлэх стратегийн байршуулалтыг Гүйжөү муж тууштай хэрэгжүүлж, өндөр чанартай хөгжлийн ерөнхий зорилгыг баримталж, өөрчлөлт нээлттэй байдлыг иж бүрэн гүнзгийрүүлж, Хятад маягийн орчин үеийн үйл явцад Гүйжөү мужийн шинэ өнгө түрэхийг харуулах ёстой гэжээ.

Гуравдугаар сарын 17-18-ны өдрүүдэд Ши Жиньпин дарга Гүйжөү мужийн намын хорооны нарийн бичгийн дарга Шү Линь, засаг дарга Ли Бинжүнь нарын хамт Чянь Дүн Наний Мяо, Дун үндэстний өөртөө засах жөү, Гүй-ян зэрэг газарт очиж, ажил байдалтай танилцжээ.

Ши Жиньпин онцлохдоо, үндэстний цөөнхийн соёл бол Хятадын соёлын салшгүй хэсэг юм. Тосгон, орон сууц, өвөрмөц барилга байгууламжийн өнгө түрэхийг хамгаалж, биет бус соёлын өвийг өвлөн үлдээхээс гадна, бүтээлч өөрчлөлт, шинэлэг хөгжлийг ахиулж, үндэстний онцлог шинжийг улам тод тусгаж, тасралтгүй шинэ гэрэл гялбаа цацруулах ёстой гэжээ.

Ши Жиньпин цааш нь хэлэхдээ, өндөр чанартай хөгжил бол Хятад маягийн орчин үеийн шинэчлэлийн зайлшгүй шаардлага. Гүйжөү муж бодит эдийн засгийг үндэс суурь болгож, инновацид суурилсан хөгжлийг бэхжүүлж, дижитал эдийн засаг, шинэ эрчим хүч зэрэг салбарыг бэхжүүлэн сайжруулах ёстой. Чанарыг үр дүнтэй сайжруулж, тоо хэмжээг боломжийн өсөлтөд хүргэхийн тулд тууштай, тэвчээртэй байх ёстой. Мөн экологийн орчноо хамгаалж, экологийн давуу талыг хөгжлийн давуу тал болгон өөрчлөхийг хичээх хэрэгтэй гэжээ.

Холбоотой мэдээ:
Exit mobile version