“Хятадын хавар” дэлхийн яриа хэлэлцээний Казахстан дахь тусгай арга хэмжээ Астана хотноо болов

ХКН-ын Төв хорооны сурталчлах хэлтсийн дэд сайд, Хятадын төв радио телевизийн захирал Шэнь Хайшюн видео илтгэл тавив. Хятадаас Казахстанд суугаа Элчин сайд Хан Чуньлинь, Астанагийн олон улсын их сургуулийн захирал Серик Ирсалиев, Казахстаны парламентын доод танхимын гишүүн Эркин Абили нар оролцож, үг хэллээ.

Тус арга хэмжээнд улс төр, бизнес, эрдэм шинжилгээ, хэвлэл мэдээллийн салбарын төлөөллийн 60 гаруй зочид оролцож, “Бүс ба Зам” санаачилга, Хятад улсын чанартай хөгжлийн дэлхий дахинд олгож буй боломж, Хятад Казахстаны хамтын ажиллагааг өндөр технологиор бэхжүүлэх, Хятад, Казахстаны байнгын иж бүрэн стратегийн түншлэлийн харилцааг хөгжүүлэх зэрэг сэдвээр санал бодлоо солилцсон байна.

Шэнь Хайшюн хэлэхдээ, Хятадын хөгжлийг дэлхийгээс салгаж болохгүй, дэлхийн хөгжил цэцэглэлтэд ч Хятад хэрэгтэй. Дэлхийн чанартай сорилтын өмнө аль ч улс орон дангаараа асуудлыг шийдэж чадахгүй. “хаалттай байх”-аас нээлттэй нь дээр, “гинжийг салгаж таслах”-ын оронд хамтран ажиллаж харилцан ашиг хүртэх нь дээр гэжээ.