Яллагдагч Р.Базараа МОНГОЛ УЛСААС оргон зайлж, Сингапурт орогнож байна

Эрүүгийн цагдаагийн албанаас өнгөрөгч 2024 оны дөрөвдүгээр сарын 15-ны өдөр “Баян” гэх Р.Базар, “Алтайн хүдэр” ХХК-ийн Гүйцэтгэх захирал В.Бат-Эрдэнэ нарын гурван хүнийг баривчилж, улмаар цагдан хорьж мөрдөн шалгаж байсан.

Улмаар сар гаруй хугацааны дараа Р.Базараа болон Гүйцэтгэх захирал В.Бат-Эрдэнэ нарыг суллаж, шүүхээс Монгол Улсын хилээр гарахыг хязгаарлах таслан сэргийлэх арга хэмжээ авсан байдаг.

Тэгвэл яллагдагч Р.Базараа, В.Бат-Эрдэнэ Монгол Улсаас оргон зайлж Сингапурт орогнож байгаа гэдэг мэдээлэл байна.

Хэргийг сануулбал, Р.Базараа нарыг  сонгуульд нэр дэвших магадлалтай улстөрчийг хууль бусаар санхүүжүүлж байсан байж болзошгүй гэх үндэслэлээр ийнхүү саатуулж, түүний “Тээвэр хөгжлийн банк”, “Алтайн хүдэр”, “Бүрдэл майнинг” зэрэг аж ахуйн нэгжүүдэд Эрүүгийн цагдаагийн газраас нэгжлэг хийсэн байдаг.

Түүнчлэн, ”Тээвэр хөгжлийн банк”-ыг худалдан авч түүгээр дамжуулан олон жилийн турш мөнгө угаах болон хууль бусаар санхүүгийн гүйлгээ хийх, татвараас зайлсхийх зэрэг гэмт хэргүүдэд холбогдуулан шалгаж буй юм.