Шри Ланкийн Ерөнхийлөгч Дисанаяке ХТРТ-д тусгай ярилцлага өглөө

Сэтгүүлч: Хятад, Шри Ланкийн харилцааны тухай ярихад, дипломат харилцаа тогтоосноос хойш, хоёр улс бие биенээ ямагт ойлгон дэмжиж, том жижиг улс орнуудын найрсгаар зэрэгцэн орших, харилцан ашигтай хамтран ажиллах үлгэр жишээг бйи болгосоор ирсэн. Ши Жиньпин дарга тантай хэлэлцээ хийх үеэр, Хятад улс Шри Ланкийг хөрш орнуудын дипломат харилцааны чухал байранд тавьсаар ирсэн гэдгийг онцоллоо. Та Хятад, Шри Ланкийн өнөөгийн харилцааг хэрхэн тодорхойлох вэ? Цаашид энэ харилцааг хэр өндөр түвшинд хүргэхийг хүсэж байна?

Дисанаяке: Хятадын засгийн газар аливаа зорилго, төлөвлөгөө боловсруулах, бодлого хэрэгжүүлэхдээ “ард түмэн” гэдэг үгийг байнга нэгдүгээрт тавьдаг гэдгийг би ойлголоо. Шри Ланкийн шинэ засгийн газар ч ард түмнийхээ төлөө зарчмыг хэрэгжүүлэхийн тулд шаргуу ажиллаж байна. Ши Жиньпин даргатай уулзах үеэр хоёр тал Шри Ланка, Хятадын харилцааг хэрхэн бэхжүүлж, хөгжүүлэх талаар ярилцсан. Шри Ланка, Хятад хоёр улс урт удаан найрсаг харилцаатай бөгөөд хоёр талын эдийн засаг худалдааны солилцоо олон мянган жилийн түүхтэй. Хятадад хийсэн энэхүү айлчлал болон Хятадын удирдагчидтай хийсэн уулзалт, яриа хэлэлцээгээр дамжуулан Шри Ланка, Хятадын харилцаа өмнөх үеийнхээ үндсэн дээр илүү их шинэ шатанд гарна гэдэгт итгэж байна.

Тэрээр цааш нь хэлэхдээ, Би 2004 онд Хөдөө аж ахуйн сайдын хувиар Хятадад анх удаа айлчилж байсан. Хорин жил хоромхон зуур өнгөрчээ. Өнгөрсөн 20 жилийн хугацаанд Хятад улс эдийн засаг, нийгэм, технологи зэрэг олон салбарт гайхалтай амжилт гаргажээ.

Шри Ланка бол жижиг улс бөгөөд эдийн засгийн жижигхэн цогц юм. Бид ямар ч геополитикийн тоглогч биш. Хятад улсын дэвшүүлсэн дэлхийн хөгжлийн санаачилга, дэлхийн аюулгүй байдлын санаачилга, дэлхийн соёл иргэншлийн санаачилга нь дэлхийн олон талт байдлыг хадгалж, дэлхийн эерэг хөгжлийг дэмжиж байна. Эдгээр санаачилга нь дэлхийн шинэ хэтийн төлөвийг нээж өгсөн гэж би үзэж байна гэжээ.