Пакистаны Ерөнхийлөгч Асиф Али Зардари ХТРТ-д ярилцлага өглөө

Пакистан бол БНХАУ-ыг хүлээн зөвшөөрсөн анхны орнуудын нэг юм. Хятад, Пакистаны уламжлалт найрсаг харилцааг хоёр орны ахмад үеийн удирдагчид бий болгосон бөгөөд хоёр орон, ард түмний үнэт баялаг юм. Сүүлийн жилүүдэд Хятад Пакистан улс төрийн хувьд бие биенээ тууштай дэмжиж, дээд зиндааны нягт харилцаагаа хадгалж, Хятад, Пакистаны эдийн засгийн коридорын бүтээн байгуулалт, олон салбарын хамтын ажиллагааг гүнзгийрүүлэн, улс орнуудын харилцааны үлгэр жишиг болгосоор ирлээ.

Зардари 2008-2013 онд Пакистаны ерөнхийлөгчөөр ажиллахдаа Хятад улсад есөн удаа айлчилжээ.

Сэтгүүлч : хоёрдугаар сарын 5-нд Ерөнхийлөгч та Ши Жиньпин даргатай хэлэлцээ хийсэн. Хэлэлцээний үеэр Ши Жиньпин шинэ эриний Хятад, Пакистаны хувь заяаны нэгдмэл цогцыг байгуулахаа эрчимжүүлэхийг уриалав. Та энэ талаар ямар алсын хараатай байна вэ? Ши Жиньпин даргатай хийсэн энэ уулзалтаас та юуг илүү хүлээж авсан бэ?

Зардари: Ши Жиньпин дарга бол олон улсын хамтын нийгэмлэгийн хараахан ойлгоогүй байгаа олон асуудлыг ухаарсан агуу, шийдэмгий удирдагч гэж би хувьдаа бодож байна. Пакистан, Хятад хоёр улс нь дотнын хөрш бөгөөд сайн андууд, зовлон жаргалаа хуваалцдаг, бүх цагт хувиршгүй найз нөхдүүд гэдгийг дэлхий дахинд хэлмээр байна.

Хятадад ирэх болгонд шинэ мэдрэмж төрдөг. Арваад жилийн өмнө очиж байсан Бээжин хүртэл цоо шинэ харагдаж байна. Хятадын ард түмэн маш хөдөлмөрч хүмүүс. Хятад улс 1.4 тэрбум хүн амтай нь зүйрлэшгүй давуу тал юм. Хятад улс янз бүрийн шинэ технологи хөгжүүлж байна. Хятадын хөгжил бол сайн үйл явдал. Хятад улс хэзээ ч эзлэн түрэмгийлэгч байгаагүй. Би Хятад улсын энх тайвнаар хөгжих замналд итгэл төгс байдаг төдийгүй, Пакистан, Хятадын мөнхийн найрамдалд бат итгэлтэй байна.