CGTN мэдээ
Чиндаогийн кино телевизийн бааз

Чиндаогийн дорнын кино метрополис нь Хятадын Чиндао хотод буй кино телевизийн үйлдвэрлэлийн бааз бөгөөд Чиндаогийн кино телевизийн бааз гэж бас нэрлэдэг. 2025 оны 2-р сарын 24-ний байдлаар, 2025 оны Хятадын хаврын баяраар нээлтээ хийсэн зургаан киноны нийт тасалбарын орлого (урьдчилсан борлуулалтыг оруулаад) 20 тэрбум юаниас давж, үүнээс “Фэншэнь 2: Шичи дахь дайн” болон “Жяолун ажиллагаа” гэсэн хоёр киног энэ баазад бүтээжээ. Чиндаогийн кино телевизийн бааз нь Хятадын киноны аж үйлдвэржилтийн гол тулгуур гэгддэг бөгөөд сүүлийн жилүүдэд Хятадын алдартай кинонуудын “Чиндаогийн хүч” гэж тооцогддог болов.
Энэ жилийн Хятадын хаврын баярын олон алдартай киног энд бүтээсэн байна.
Хятадын анхны хүнд үйлдвэрийн кино бааз болох Чиндаогийн кино телевизийн бааз нь баригдсан цагаасаа хойш олон улсын хамгийн өндөр стандарттай харьцуулж болохуйц түвшинд бүтээн байгуулалт хийж, 1.7 сая квадрат метр талбай бүхий кино телевизийн аж үйлдвэрийн парк олон улсын стандартад нийцсэн 40 студи, 32 иж бүрэн цех, дижитал аудио, видео төв, кино телевизийн виртуал зураг авалт, үйлдвэрлэлийн платформ болон бусад техник хангамжийн байгууламжуудаар тоноглогдсон нь шинжлэх ухааны уран зөгнөлт кино, үйлдвэрлэлийн томоохон киноны зураг авалт, үйлдвэрлэлд хүчтэй дэмжлэг үзүүлж байна. Нэгдүгээр зэрэглэлийн техник хангамжийн байгууламжууд нь Хятадын томоохон кинонуудын хамгийн сайн сонголт болж, Хятадын кинонуудын гайхамшгийг ар араасаа бүтээж байна.
2024 оны 12-р сарын эцсийн байдлаар, Чиндаогийн кино телевизийн бааз нийт 484 багийнханд үйлчилж, 448 төсөл бүртгүүлж, Хятадын кинонд 37.1 тэрбум юанийн орлого оруулсан байна.
Түүнчлэн Чиндаогийн кино телевизийн бааз байгаа Чиндао хот ч сүүлийн жилүүдэд кино телевиз, соёл, аялал жуулчлалын баялаг нөөцдөө түшиглэн, кино телевизийн салбар, аялал жуулчлалын салбарыг цогцоор нь хөгжүүлж гайхалтай үр дүнд хүрсэн байна.
