Күүкийн олтригийн Ерөнхий сайдтай хийсэн ярилцлага

Тэрээр ерөнхий сайдын албан тушаалд орсныхоо дараа анх Хятад улсад айлчилж байгаа бөгөөд Шанхай, Чиндао, Харбин зэрэг хоттой танилцан, “Бидний хүрсэн газар болгон нь ирээдүйн хамтын ажиллагаанд суурь тавьж, үр тарьж байгаа явдал” гэж хэлээд Хятад улстай иж бүрэн стратегийн түншлэлийн харилцааг гүнзгийрүүлэхийг хүсэн хүлээж буйгаа илэрхийлжээ.

Марк Браун хэлэхдээ, энх тайван хөгжил бол Номхон далайн арлын орнуудын хамгийн том хүсэл мөрөөдөл, “бид хамтын ажиллагааны газар болно гэдэгт найдаж байна” гэжээ.

Азийн өвлийн спортын наадмын хаалтын ёслол нь шинжлэх ухаан технологийг уран сайхны тоглолттой хослуулан, хүсэл эрмэлзэл, өнгө будаг, нааштай үзэл санааг харуулсан гайхалтай хүртээл боллоо гэж тэрээр үнэлэв.

Хятад Күүкийн олтригтой дипломат харилцаа тогтоогоод гуч орчим жил болж байгаа бөгөөд Марк Браун нь тус улсаас Хятад улсад айлчилж буй дөрөв дэх ерөнхий сайд юм. Энэ удаагийн айлчлалын үеэр хоёр тал хамтын ажиллагааны олон баримт бичигт гарын үсэг зурсан бөгөөд иж бүрэн стратегийн түншлэлийн харилцааны гэрээ нь олон салбарын хамтын ажиллагааны бүдүүвч хүрээг тодорхойлсон юм.

Хятад улсын шинжлэх ухааны судалгаа, технологийг шилжүүлэн ашиглаж буй туршлагууд нь бидний хувьд суралцууштай зүйл тул эх орондоо буцсаны дараа ард түмэнтэйгээ хуваалцах болно гэж Марк Браун хэлээд цахилгаан хөдөлгүүрт автомашин түгэсэн, хиймэл оюун ухаан хөгжиж буй зэрэг шинжлэх ухаан технологийн хөгжил болон үр бүтээмжийг ашиглаж, орчин үеийн шинэчлэлээ биелүүлж буй Хятад улсыг өндрөөр үнэлж байлаа.

Марк Браун Хятадын ард түмнийг “Нуугдмал диваажин” хэмээгдсэн Күүкийн олтригт зочлохыг урьж, хоёр орон урт хугацааны турш харилцан хүндэтгэж, эрх тэгш харилцсаар ирснийг онцолж, Күүкйин олтригийн хөгжилд тус дэмжлэг үзүүлсэн Хятад улсад талархлаа илэрхийлж, Хятад улстай цаашид олон салбарын харилцан ашигтай хамтын ажиллагаагаа гүнзгийрүүлэхийг хүсэн найдаж байна гэжээ.