Турк зах зээлийн уналтаа тогтворжуулахаар “short” арилжааг хязгаарлалаа

Туркийн Төв банк ээлжит бусаар хуралдаж, бодлогын хүүгээ өсгөжээ.

(Bloomberg) — Туркийн хөрөнгийн зах зээлийг зохицуулагч байгууллага хувьцаануудын “short” арилжааг хориглож, хувьцаа эргүүлэн худалдан авах нөхцөлүүдийг сулруулах арга хэмжээ авлаа. Энэ нь уналтад ороод буй зах зээлээ илүү доройтохоос сэргийлж байгаа алхам болж байна.

Туркийн Ерөнхийлөгч Режеп Тайип Эрдоаны улс төрийн гол өрсөлдөгч Экрем Имамоглуг баривчилсны дараа тус улсын гол индекс 17 хувиар унасан юм.

Ням гарагт зарласан шинэ журмаар зах зээлийн зөвхөн Топ-50 компанийн хувьцааг “short” арилжаанд оруулахыг зөвшөөрч, компаниудад хувьцаагаа өмнөх өдрийн хаалтын ханшаас дээгүүр ханшаар худалдан авах боломж олгожээ.

Түүнчлэн маржин арилжааны заавал байлгах  хөрөнгийн нөөцийн хэмжээг 35 хувиас 20 хувь болгож, бууруулсан байна.