Ши Жиньпин Камбожийн Ардын намын дарга, Сенатын дарга Хун Сентэй уулзав

Дөрөвдүгээр сарын 17-ны үдээс хойш дарга Хятад улсын дарга Ши Жиньпин Пномпенийн Энх тайвны ордонд Камбожийн Ардын нам, Сенатын дарга Хун Сентэй уулзлаа.

Ши Жиньпин хэлэхдээ, Хятад, Камбож бол найрсаг хөрш, бат бэх нөхөрлөлтэй найзууд юм. Хятад Камбожийн хувь заяаны нэгдмэл цогцыг байгуулах нь түүх, ард түмний сонголт юм. Одоогийн байдлаар Хятад, Камбож хоёр орон үндэсний хөгжлийн чухал үе шатандаа байна. Хоёр тал ард түмнийхээ сайн сайхан байдал, хүн төрөлхтний хөгжил дэвшлийн төлөө санаа тавьж, өөрсдийн шинэчлэлээ ахиулах үйл явцад хүн төрөлхтний хувь заяаны нэгдмэл цогцыг байгуулах үлгэр жишээг бий болгож, дэлхийн зуун жилийн өөрчлөлтөд энх тайван, тогтвортой, ахиц дэвшлийн төлөө хамтдаа зүтгэх ёстой.

Ши Жиньпин онцлохдоо, Камбожийн үндэстний хөгжил, сэргэн мандалтын зам улам өргөжин тэлнэ гэдэгт Хятад улс итгэлтэй байгаа бөгөөд Камбожийн Ардын нам ард түмнээ удирдан чиглүүлж, үндэсний тогтвортой байдал, эдийн засгаа хөгжүүлэх, мөн бүс нутаг, олон улсын тавцанд илүү чухал үүрэг гүйцэтгэхийг Хятад улс үргэлжлэн дэмжих болно. Хоёр тал стратегийн хамтын ажиллагааг бэхжүүлэхийн тулд хоёр орны Гадаад хэргийн сайд, Батлан ​​хамгаалахын сайд нарын шинээр байгуулсан “2+2” стратегийн яриа хэлэлцээний механизмыг сайтар ашиглах ёстой. Түүнчлэн олон салбарын ажил хэрэгч хамтын ажиллагааг эрчимжүүлж, Камбожийн “Аж үйлдвэрлэлийн хөгжлийн коридор”, “Загас, будааны коридор”-ын бүтээн байгуулалт, эрчим хүч, зам тээвэр зэрэг салбарын хамтын ажиллагааг өрнүүлж, Хятадын хөгжлийн боломжийг Камбож улс улам ихээр хуваалцахыг хүсэж байна.

Ши Жиньпин цааш нь хэлэхдээ, дэлхийн олон туйлшрал, эдийн засгийн даяаршил, соёл иргэншлийн олон талт байдал зэрэг цаг үеийн чиг хандлагыг хориглохын аргагүй гэдгийг түүх нотолсон. Ганц талт үзэл, ноёрхогч үзэл нь хүний сэтгэлийг олохгүй бөгөөд аль ч улс орон тусгаарлагдсан байдалд орохыг хүсэхгүй байна. Худалдааны дайн нь олон талт худалдааны тогтолцоог алдагдуулж дэлхийн эдийн засгийн дэг журамд сөргөөр нөлөөлж байна. Бүх улс орон нэгдэж, үндэсний аюулгүй байдал, хөгжлийн эрх ашгаа хамгаалж, хувь заяаны нэгдмэл цогцыг хамтдаа байгуулах ёстой юм.

Хун Сен хэлэхдээ, Ши Жиньпин дарга Камбожид төрийн айлчлал хийж буйг халуун дотноор хүлээн авч байгаа бөгөөд энэ айлчлал Камбожид маш чухал ач холбогдолтой юм. Ши Жиньпин дарга болон ХКН-ын хүчтэй удирдлага дор Хятад улс өнгөрсөн оны өсөлтийн зорилтоо амжилттай биелүүлж, шинжлэх ухаан, технологийн шинэчлэлийн салбарт гайхалтай амжилт гаргасанд Камбож чин сэтгэлээсээ баяр хүргэж байна. Хятад улс бол Камбожийн хамгийн тууштай дэмжигч, хамгийн найдвартай түнш юм. Хятадын дэмжлэг Камбожийн эдийн засаг, нийгмийн хөгжил, ард түмний амьдралыг дээшлүүлэхэд чухал хувь нэмэр оруулсан. Үүнд Камбож гүнээ талархаж байна. Камбож нэг Хятадын бодлогыг тууштай баримталж, Тайвань, Шиньжян, Төвөд зэрэг асуудлаар Хятадын талын байр суурийг дэмжиж, Хятадын дотоод хэрэгт хөндлөнгөөс оролцох аливаа хүчнийг эсэргүүцнэ. Хоёр орон шинэ эрин үед бүх цагт хувиршгүй хувь заяаны нэгдмэл цогцыг байгуулахаар шийдсэн. Худалдааны дайн, тарифын дайн нь бүх улс орны хууль ёсны ашиг сонирхлыг хохироож, олон улсын нөхцөл байдалд замбараагүй байдал үүсгэж байна. Хятад улстай хамтын ажиллагаагаа бэхжүүлж, олон төрлийн эрсдэл, сорилтыг хамтдаа даван туулахад Камбож бэлэн байна.