Алдарт “BIGBANG”-н дуучин TAEYANG Монголд тоглолтоо хийнэ

“EVANDIS ENTERTAINMENT”-аас зохион байгуулж буй “SUPER CONCERT 2025”-д дэлхийд алдартай домогт BIGBANG хамтлагийн уран бүтээлч TAEYANG албан ёсоор нэгдэж Улаанбаатарыг доргиохоор боллоо.

BIGBANG хамтлаг нь “Haru Haru”, “Bang Bang Bang”, “Fantastic Baby” зэрэг дэлхийг байлдан дагуулсан дуунуудаараа K-POP-ын түүхэнд гүн ул мөр үлдээсэн билээ. Энэ удаад тэдний гол хоолой TAEYANG Монголын фенүүдтэйгээ уулзахаар болж байна.

SUPER CONCERT 2025 тоглолт нь 2025 оны 6-р сарын 21-нд, Улаанбаатар хот, Төв Цэнгэлдэх Хүрээлэнд зохион байгуулагдана.

TAEYANG нь “Eyes, Nose, Lips”, “Wedding Dress”, “VIBE” зэрэг дэлхийд алдартай уран бүтээлүүдээрээ фенүүдийнхээ зүрхийг байлдан дагуулсан бөгөөд, энэ удаа Монгол Улсад өөрийн гайхамшигт хоолой, үзэгчдийг байлдан дагуулалтаар энэ оройг зүгээр нэг концерт биш, түүхэн үйл явдал болгох нь дамжиггүй.

Өнгөрсөн 2024 онд зохион байгуулагдсан EVANDIS ENTERTAINMENT – ын анхны SUPER CONCERT-ын хүрээнд, дэлхийн алдартнууд болох RAIN, 2NE1-ийн Sandara Park, BLOO нарыг урьж, Монголын урлагийн түүхэнд мартагдашгүй шинэ хуудсыг нээсэн. Энэ жилийн “SUPER CONCERT”нь өнгөрсөн жилийн амжилтыг давтаж, цаашлаад Монголд олон улсын түвшний тоглолтын соёлыг авчрах зорилготой юм.

Өнөөдөр буюу (4-р сарын 27) орой 20:00 цагт албан ёсны постер цацагдсан бөгөөд, EARLY BIRD тасалбарын урьдчилсан борлуулалт албан ёсоор эхэлжээ. Тасалбарын тоо хязгаартай тул шүтэн бишрэгчид та бүхэн яаралтай амжиж Ticket ээ аваарай!

6-р сарын 21-нд, Төв Цэнгэлдэх Хүрээлэнд — BIGBANG хамтлагийн шилдэг уран бүтээлч TAEYANG тай хамт түүхэн агшинд хамт байхад бэлэн үү?